ဓမ္မံသရဏံ ဂစ္ဆာမိ အဓိပ္ပာယ် အပြည့်အစုံရှင်းလင်းချက်

ဓမ္မံသရဏံ ဂစ္ဆာမိ အဓိပ္ပာယ် အပြည့်အစုံရှင်းလင်းချက်

ဘုန်းကြီးတို့ ဗုဒ္ဓဘာသာဝင်သူတော်စင်တွေ သီလစောင့်တည်တိုင်း သရဏံဂုံ တည်တဲ့အခါ ဓမ္မံသရဏံ ဂစ္တာမိ လို့ ဆိုကြတယ်။ ဤတရားသည်သာလျှင် ကိုးကွယ်ရာလို့ ဒီအဓိပ္ပာယ်တော့ သိပါလိမ့်မယ်။ သို့ သော်ဒီ့ ထက်ပိုလေးနက်တဲ့ အဓိပ္ပာယ်ကိုသိဖို့ ရာ ဘုန်းကြီးအကျယ်ဟောပါ့မယ်။ ဓမ္မ ဆိုတဲ့စကားလုံးကို ပါဠိဘာသာမှာ ပါရှိတဲ့စကားလုံးဖြစ်လို့ မြန်မာလိုပြောမယ်ဆိုရင် သဘာဝတရားလို့ အဓိပ္ပာယ်ရတယ်။ ဓမ္မ ဆိုတဲ့သဘာဝတရားဟာ မည်သူတစ်ဦးတစ်ယောက်ကမှ ပိုင်ဆိုင်တာမဟုတ်ဘူး။ လောကကြီးမှာရှိတဲ့ လူအားလုံးနဲ့ သက်ဆိုင်တဲ့ သဘာဝတရား။ သဘာဝတရားဆိုတာအမျိုးမျိုးရှိတယ်။ ဓမ္မံသရဏံ ဂစ္တာမိ ဓမ္မကို ကိုးကွယ်ရာဟူ၍ ဆည်းကပ်ပါ၏။ အဲလို ပါးစပ်ကဆိုလိုက်ရုံနဲ့ ဓမ္မံသရဏံ ဂစ္ဆာမိ ကိစ္စပြီးသွားပလား ? ဘယ်လိုအဓိပ္ပာယ်ရောက်မှ ၊ ဘယ်အတိုင်းအတာထိရောက်မှ ဓမ္မံသရဏံ ဂစ္တာမိ ဆိုတာ ပြီးပြည့်စုံမလဲ ဆိုတာ ဘုန်းကြီးတို့ မသိသင့်ဘူးလား။ သိသင့်ပါတယ် ဘုရား။


မြတ်စွာဘုရားက ဓမ္မကိုဟောတယ်ဆိုတာ ဒီ ဓမ္မဆိုတဲ့သဘာဝတရားတွေဟာ မြတ်စွာဘုရားပွင့်လာမှ ရှိလာတာမဟုတ်ဘူး။ ရှေးတုန်းကတည်းက ဒီသဘာဝတရားတွေဟာ ရှိနေတယ်။ အမြဲတမ်းရှိနေတဲ့ မှန်ကန်တဲ့သဘာဝတရားတွေ။ ထိုသဘာဝတရားတွေဟာ ထူးခြားတဲ့အသိဥာဏ်ရှိတဲ့ ဗုဒ္ဓ ဆိုတဲ့ ပုဂ္ဂိုလ်ပေါ်လာမှ ဗုဒ္ဓက ထုတ်ဖော်ရှင်းပြခဲ့တာ။ ဗုဒ္ဓ ဆိုတဲ့ ပုဂ္ဂိုလ်မပေါ်ခဲ့ရင် ဓမ္မ ဆိုတဲ့ သဘာဝတရားတွေကို ပြည့်ပြည့်စုံစုံရှင်းပြနိုင်တဲ့သူရှိမှာမဟုတ်ဘူးတဲ့။ ဗုဒ္ဓကသာလျှင် ဓမ္မကိုပြည့်ပြည့်၀၀ ရှင်းပြနိုင်တာ။ သို့ သော် ဓမ္မ ဆိုတာ လောကကြီးမှာ အမြဲရှိနေတဲ့ The Law of Nature ။ မြတ်စွာဘုရားက ဓမ္မ ကိုတီထွင်ခဲ့တာမဟုတ်ဘူး။ မြတ်စွာဘုရားက ဓမ္မကိုတွေ့ ရှိတာသာ ဖြစ်တယ်။ ဖန်တီးသူ မဟုတ်ဘူး။ တစ်နည်းအားဖြင့် တွေ့ တယ်ဆိုတာ သိရှိသူ။ အဲဒါကြောင့်မို့ ဗုဒ္ဓ ဆိုတဲ့ အဓိပ္ပာယ်ကိုက အမှန်တရားကိုတွေ့ ရှိသူလို့ အဓိပ္ပာယ်ရတယ်။ သာမန်သိတဲ့လူကို ဗုဒ္ဓလို့ မခေါ်နိုင်ဘူး။ အမှန်တရားကို အားလုံးပြည့်ပြည့်စုံစုံ ခြွင်းချက်မရှိသိတဲ့လူကိုသာ ဗုဒ္ဓ လို့ ခေါ်တာ။

ဒါကြောင့်မို့ လို့ သရဏံဂုံသုံးပါးမှာ ဒီ ဓမ္မကိုထုတ်ဖော်ဟောပြောနိုင်တဲ့ ၊ ဓမ္မကိုတွေ့ ရှိတဲ့ ပုဂ္ဂိုလ်မို့ လို့  ဗုဒ္ဓံသရဏံ ဂစ္တာမိ လို့ ဆိုကြတယ်။ ပြီးတော့ အဲဒီ ပုဂ္ဂိုလ်အရှင်သူမြတ်တွေ့ ရှိခဲ့တဲ့ တရားကို ဓမ္မံသရဏံ ဂစ္တာမိ လို့ ဒီလိုဆိုတယ်။ အဲဒီ မြတ်စွာဘုရားတွေ့ ရှိတဲ့ ဓမ္မတွေကိုလက်တွေ့  ကျင့်သုံးလို့ ပေါက်မြောက်သွားတဲ့အဖွဲ့ အစည်းတစ်ရပ်ကို သံဃံ သရဏံ ဂစ္ဆာမိ လို့ ဒီလိုဆိုကြတယ်။ ဒါကိုပဲ ရတနာသုံးပါးလို့ ဒီလိုပြောဆိုကြတယ်။ သရဏံဂုံသုံးပါးလို့ လည်းပြောကြတယ်။ 

အဲတော့ ဒီ သဘာဝတရား ဓမ္မ ဆိုတာတွေဟာ မဖော်ထုတ်ရင် မသိဘူး။ ဖော်ထုတ်တဲ့သူရှိမှ သိမှာ။ အဲလို ဖော်ထုတ်တာကလည်း ရိုးရိုးတန်းတန်းသာမန်လူမရဘူးတဲ့။ လေးသင်္ချေနဲ့ ကမ္ဘာတစ်သိန်းပါရမီဖြည့်လာတဲ့ ဗုဒ္ဓမြတ်စွာလို လူပဲရမှာ။ အဲဒီလို ဖော်ထုတ်လိုက်တဲ့ တရားတွေဟာလည်း ရတနာတွေ။ ရတနာတွေဆိုတာ လူတိုင်းသုံးနိုင်ပါ့မလား ? မသုံးနိုင်ပါဘူး ဘုရား။ ရတနာ ဆိုတာ အတုလံ ဒုလ္လပတ် ဒသနံ ။ တွေ့ ဖို့ ခဲယဉ်းတာ ရတနာ။ ဓမ္မ ဆိုတာလည်း ရတနာပဲ။

ဒီပင်္ကရာ မြတ်စွာဘုရားပွင့်ပြီးနောက် မရေမတွက်နိုင်တဲ့ အသင်္ချေပေါင်းများစွာ ကမ္ဘာတွေလွန်ပြီးနောက် မင်္ဂလ ဘုရားပွင့်တယ်။ အဲဒီ ဘုရားနှစ်ဆူကြားထဲက ကာလမှာ ဓမ္မ ဆိုတာ ပျောက်ကွယ်သွားတယ်။ ဓမ္မံသရဏံ ဂစ္တာမိ ဆိုတာ မရှိတော့ဘူးတဲ့။ ဒီပင်္ကရာမြတ်စွာဘုရားလက်ထက်မှာ ဂေါတမမြတ်စွာဘုရားအလောင်းတော် သုမေဓာရသေ့ က ဘုရားဆုပန်တယ်။ အဲဒီနောက် လေးအသင်္ချေနဲ့ ကမ္ဘာတစ်သိန်းကြာပြီးမှ ဘုရားပွင့်တယ်။ အဲဒီကြားထဲမှာ ရေတွက်လို့ မရတဲ့ အသင်္ချေပေါင်း ၄ ခါကြုံလို့ လေးအသင်္ချေလို့ ခေါ်တာ။ နောက် ရေတွက်လို့ ရတဲ့ကမ္ဘာက တစ်သိန်း။ ဒီပင်္ကရာမြတ်စွာဘုရားနဲ့  ကောဏ္ဍညမြတ်စွာဘုရားကြားမှာ တစ်သင်္ချေ။  ကောဏ္ဍညမြတ်စွာဘုရားနဲ့ မင်္ဂလ မြတ်စွာဘုရားကြားမှာ တစ်သင်္ချေ။ သောဘိတမြတ်စွာဘုရားနဲ့  နာရဒမြတ်စွာဘုရားကြားမှာ တစ်သင်္ချေ ၊ အနောမဒဿီမြတ်စွာဘုရားနဲ့ ပဒုမုတ္တရမြတ်စွာဘုရားကြားမှ တစ်သင်္ချေ တဲ့။ အဲဒီတော့ ဓမ္မ ဆိုတာ ဘယ်လောက်တန်ဖိုးရှိသလဲ စဉ်းစားကြည့်။ တွေ့ ဖို့ လွယ်လား။ မလွယ်ဘူးနော်။ ခဲယဉ်းတယ်။

အဲဒီတော့ ဂေါတမမြတ်စွာဘုရားမတိုင်မှီ ကဿပ မြတ်စွာဘုရားရှင်အထိ အားလုံးပေါင်း ၂၄ ဆူသောမြတ်စွာဘုရားရှင်တို့ ပွင့်တော်မူခဲ့ကြတယ်။ ပေါတမမြတ်စွာဘုရားကိုထည့်လိုက်တဲ့အခါ ၂၅ ဆူ။ ဒီပင်္ကရာမြတ်စွာဘုရားနဲ့ တူတူပွင့်တာက ၃ ဆူ။ အားလုံးပေါင်း ၂၈ ဆူ။ နှစ်ကျိပ်ရှစ်ဆူ ဆိုတာ အဲဒါပဲနော်။ ဂေါတမ ဘုရားအလောင်းဗျာဒိတ်ခံခဲ့တာက ၂၄ ဆူ။ ၂၄ ပါးပဲ ဗုဒ္ဓ ဆိုတာကိုတွေ့ ခဲ့ရတယ်။ အဲဒီ ၂၄ ပါးသည်သာလျှင် ဓမ္မကို ထုတ်ဖော်ဟောကြားနိုင်ခဲ့တယ်။ ကျန်တဲ့ပုဂ္ဂိုလ်တွေ ဓမ္မကို ထုတ်ဖော်ဟောကြားနိုင်ခြင်းမရှိဘူးတဲ့။

မြတ်စွာဘုရားကို ကိုးကွယ်တာဟာ စီးပွားတက်ချင်လို့ ကိုးကွယ်တာရှိတယ်။ ကြောက်လို့ ကိုးကွယ်တာရှိတယ်။ တစ်စုံတစ်ခုကြောင့်အကာအကွယ်လုပ်ချင်လို့ ကိုးကွယ်တာရှိတယ်။ မျိုးစုံပေါ့လေ။ ဘယ်လိုကိုးကွယ်ရမလဲ မှန်ကန်တဲ့စိတ်ထား ဘယ်လိုထားရမလဲဆိုတော့ ဘုရားဆိုသည်မှာ မိမိရဲ့ သန္တာန်ကျရောက်လာမဲ့ မကောင်းကျိုးတွေကိုဖြစ်ပေါ်စေတတ်တဲ့ အကြောင်းတရားတွေကိုဖယ်ရှားပြီး ကောင်းကျိုးချမ်းသာကိုညွန်ပြပေးတဲ့အတွက် ကိုးကွယ်တယ်။ ဒီလိုနည်းနဲ့ ကိုးကွယ်ရမယ်နော်။ 

ဘ၀တု သဗ္ဗမင်္ဂလံ၊
ရက္ခန္တု သဗ္ဗဒေ၀တာ။
သဗ္ဗ ဗုဒ္ဓါ နုဘာဝေန၊
သဒါ သုခီ ဘ၀န္တု တေ။

အဲဒီဂါထာလေး အဓိပ္ပာယ်ကို ဘုန်းကြီးရှင်းပြမယ်။ သဗ္ဗ ဗုဒ္ဓါ နုဘာဝေန အလုံးစုံသောဘုရားရှင်တို့ ရဲ့ တန်ခိုးတေဇော အာနုဘော်တို့ ကြောင့် ၊ သဒါ အခါခပ်သိမ်း ၊ သုခီ ချမ်းသာ ၊ ဟောတု ဖြစ်ပါစေ။ ဒီလို တစ်ချို့ က အဓိပ္ပာယ်ပြန်ကြတယ်။ အဲဒီလို အဓိပ္ပာယ်ပြန်တော့ ဘယ်လိုဖြစ်သွားလဲဆိုရင် မြတ်စွာဘုရားရဲ့ တန်ခိုးအစွမ်းကြောင့်ချမ်းသာပါစေလို့ ဆိုတော့ ဘုရားက သူ့ ရဲ့ တန်ခိုးအာဏာ ပါဝါတွေကို အသုံးပြုပြီး သတ္တ၀ါတွေကို ကယ်တင်တယ်ဆိုတဲ့ အဓိပ္ပာယ်မရောက်ဘူးလား။ အဲဒီအဓိပ္ပာယ်ပြန်ဆိုချက်မမှန်ဘူး။ ဘယ်လိုပြန်ဆိုရမလဲဆိုတော့ သဗ္ဗ ဗုဒ္ဓါ နုဘာဝေန၊ အလုံးစုံသောမြတ်စွာဘုရားရှင်တို့ ရဲ့ ဂုဏ်ကိုအာရုံပြုကာ ကိုးကွယ်ပူဇော်ရတဲ့အစွမ်း အာနုဘော်ကြောင့် ၊ သဒါ သုခီ ဘ၀န္တု တေ အစဉ် ထာဝရချမ်းသာသုခရပါစေ။ အဲလိုပြန်ဆိုမှ မှန်ကန်တယ်။ အဲလိုဆိုလိုက်တော့ ဘုရားကို အာရုံပြုပြီးဖြစ်ပေါ်လာတဲ့ ကုသိုလ်ကိုပြောတာ။ ဓမ္မ ကိုပြောတာ။ ကုသိုလ် ဆိုတာ ဓမ္မပဲ။ ဓမ္မံသရဏံ ဂစ္ဆာမိ  ဆိုတဲ့နေရာမှာ ဓမ္မ ကိုကိုးကွယ်ကျင့်သုံးမှ ဓမ္မံသရဏံ ဂစ္ဆာမိ  လို့ မှတ်ရမယ်။

ဓမ္မ ကိုကျင့်သုံးလို့ ကိုယ်ချမ်းသာ စိတ်ချမ်းသာ ဖြစ်နေတဲ့လူတွေလည်းအများကြီး။ ဒါပေမယ့် အိုခြင်း နာခြင်း သေခြင်း ဆိုတဲ့တရားတွေကနေ မကျော်လွန်နိုင်သေးဘူး။ ဓမ္မ ရဲ့ စွမ်းဆောင်ချက်က နောက်ဆုံး ဒီ အိုခြင်း နာခြင်း သေခြင်း ဆိုတဲ့အရာတွေကို ကျော်လွားနိုင်မှ ဓမ္မ ဟာပြည့်စုံတယ် လို့ ပြောရမယ်။ 

မေတ္တာတရားကို မိမိရဲ့ နှလုံးသားထဲမှာ တည်ဆောက်တာ လိုက်နာကျင့်သုံးသာသည်လည်း ဓမ္မံသရဏံ ဂစ္ဆာမိ  ပဲ။ အဲလိုမဟုတ်ပဲ ပါးစပ်ကတော့ဓမ္မံသရဏံ ဂစ္ဆာမိ ၊ ဒါပေမယ့် အမုန်းတရားတွေကိုလက်ခံကျင့်သုံးနေတာဆိုလျှင် ဓမ္မံသရဏံ ဂစ္တာမိ မဖြစ်နိုင်ဘူး။ ထို့ အတူပဲ အမောဟ တဲ့ ၊ အသိပညာတွေရှိဖို့ လိုတယ်။ အသိပညာဆိုတာ လုပ်သင့်တာ နဲ့ မလုပ်သင့်တာ ခွဲခြားသိရမယ်။ အနည်းဆုံး အောက်ထစ်ဆုံး မလုပ်သင့်တာကို ရှောင်ဖို့ ၊ လုပ်သင့်တာကိုလုပ်ဖို့ ခွဲခြားသိရမယ်။ အဲဒီတော့ မိမိသန္တာန်မှာ လောဘ ကိုဖယ်ရှားပြီး အလောဘ ကိုတည်ဆောက်တယ်။ ဒေါသကိုဖယ်ရှားပြီး အဒေါသ ကိုတည်ဆောက်တယ်။ မောဟ ကိုဖယ်ရှားပြီး အမောဟဆိုတဲ့ ပညာတရားကိုတည်ဆောက်တယ်။ အဲဒါဆိုရင် ဓမ္မံသရဏံ ဂစ္ဆာမိ  ပဲ။ အဲဒီလိုမှ မလုပ်ဘူးဆိုရင် ပါးစပ်ကဆိုတဲ့ ဓမ္မံသရဏံ ဂစ္ဆာမိ  သည် အကျိုးတရားတွေကို ထွက်ပေါ်လာစေမှာမဟုတ်ဘူး။ အဲဒါကြောင့်မို့ တရားတွေကိုလက်ခံကျင့်သုံးရတယ်။

အေး......ဓမ္မံသရဏံ ဂစ္တာမိ ဆိုတာ ဒီ့ထက်အဆင့်မြင့်သေးတယ်။ ဘ၀ကန္တာရ ကနေထုတ်ဆောင်ပေးတယ်တဲ့။ ဘ၀ကန္တာရ ဆိုတာ ဘာလဲဆိုတော့ ဘုန်းကြီးတို့ သိထားတဲ့ဘ၀ကြီးဟာ ကျေနပ်စရာကောင်းတဲ့ဘ၀လား ပြန်စဉ်းစားကြည့်။ လူမှုရေး စီးပွားရေးအခက်အခဲတွေက ထားပါတော့ လူတိုင်း ကြုံချင်မှ ကြုံကြမှာ။ ဒါပေမယ့် အိုခြား နာခြင်း သေခြင်း ဆိုတာတွေကတော့ လူတိုင်းကြုံမှာ။ အာဏာရှင်လည်း တစ်နေ့ အိုမှာပဲ။ အာဏာမရှိတဲ့လူလည်း တစ်နေ့ အိုမှာပဲ။ လူဝတ်ကြောင်လည်း အိုမှာပဲ။ ဘုန်းကြီးတွေလည်း အိုမှာပဲ။ အဲဒီတော့ အိုခြင်း နာခြင်း သေခြင်း ဆိုတာလည်း ကန္တာရတွေပဲ။ အဲဒီ ကန္တာရတွေကို ကျော်လွားနိုင်တဲ့လူရှိလား။ မရှိနိုင်ဘူး။ အဲဒါကို ဘ၀ကန္တာရလို့ ခေါ်တယ်။ အဲဒီ ကန္တာရတွေထဲက ကယ်ထုတ်နိုင်တာကတော့ ဓမ္မပဲတဲ့။ သဘာဝတရားတွေကိုသိအောင် ၊ သတ္တ၀ါဆိုတဲ့ အတွေးကို ပျောက်သွားအောင် သဘာဝတရားတွေချည်းသိရှိလာတာကို နာမရူပ ပရိစ္ဆေဒညဏ် လို့ ခေါ်တယ်။ ဒီသဘာဝတရားတွေဟာ ဆိုင်ရာဆိုင်ရာ အကြောင်းတွေကြောင့်ဖြစ်လာတယ်ဆိုတာကိုသိရင် ပစ္စယပရိဂ္ဂဟဥာဏ် လို့ ခေါ်တယ်။ အဲဒီကနေ တစ်ဆင့် သဘာဝအတွက် တရားတွေကို စဉ်းစားကြည့်လိုက်တဲ့အခါ သဘာဝတရားတွေဟာ ဖြစ်ပြီးတော့ ပျက်နေတာပဲလို့ အမြင်တွေမြင်လာပြီး ဒီသဘာဝတရားတွေဟာ ငြီးငွေ့ စရာပဲ ၊ ကြောက်စရာပဲ ၊ လန့် စရာပဲ ၊ ဒီသဘာဝတရားတွေကလွတ်အောင်ကြိုးစားမှပဲ ဆိုတဲ့ အသိဥာဏ်လေးဝင်လာလို့ ရှိရင် ဒါ ၀ိပသာနာဥာဏ် လို့ ခေါ်တယ်။

လောဘ ရယ် ဒေါသ ရယ် မောဟ ရယ် ဒီအကုသိုလ်တွေကလွတ်သွားတာကို ၀ိမုတ္တ လို့ ခေါ်တယ်။ စိတ်ကလေးဟာ အာရုံနဲ့ တော့တွေ့ တယ်။ ဒါပေမယ့် ထိုအာရုံရဲ့ ကြားထဲမှာလွတ်သွားတယ်။ အဲဒါ Glue မရှိတော့တာ။ စက္ကူလေးနှစ်ခုဟာ ထိတော့ထိနေတယ်။ ဆိုပါစို့ စာရွက်လေး ၂ ခုထိထားတယ်။ အဲဒီ စာရွက် ၂ ခုကြားမှာ ကော်မပါဘူးဆိုရင် ခွဲလို့ မရဘူးလား။ ရတယ်။ လူတွေရဲ့ စိတ်မှာ ခွဲမရဘူးဆိုတာက ကော် ပါနေလို့ ခွဲမရတာ။ ဟုတ်လား။ ကော်က ရိုးရိုးကောတောင်မဟုတ်ဘူး Super Glue ဖြစ်နေတယ်။ အဲဒီတော့ အာရုံနဲ့ စိတ်နဲ့ ဘယ်လိုပဲတွေ့ တွေ့ လောဘမလာဘူး ၊ ဒေါသမလာဘူးဆိုရင် ညှိနေပါ့မလား။ ဘယ်ညှိမလဲနော်။ အဲဒါကို ၀ိမုတ္တ လို့ ခေါ်တာ။ လွတ်သွားပြီလို့ ပြောတာ။ ဓမ္မ ကို Pratise လုပ်တယ်ဆိုတာ အဲဒီလိုလွတ်သွားပြီဆိုတဲ့အဆင့်ထိအောင် အားထုတ်ရမှာ။ အဲဒီလိုလွတ်သွားပြီဆိုရင် ဘ၀ဆိုတဲ့ ကန္တာရခရီးကြမ်းကြီးကိုနောက်ထပ်ရင်ဆိုင်စရာမရှိတော့ဘူး။ ရင်ဆိုင်စရာမရှိရုံတင်မကဘူး ၊ အသာသ ဒါနတဲ့ ။ သံသရာကြီးထဲမှာ ပင်ပန်းခဲ့ရတာတွေအကုန်လုံးငြိမ်းသွားတယ်။ အသောကံ ၀ရဇံ ခေမံ ဆိုတာ အဲဒီကျမှလာတာ။ စိတ်ကလေးမှာ လောဘလည်းမလာဘူး။ ဒေါသလည်းမလာဘူး။ မောဟလည်းမလာဘူး။ စိတ်ကလေးငြိမ်းချမ်းသွားပြီ။ ဓမ္မံသရဏံ ဂစ္ဆာမိ ဆိုတာ အဲဒီအဆင့်ထိရောက်အောင် သွားရမယ်တဲ့။

ရှင်သာရိပုတ္တရာ တို့ ရှင်မဟာမောဂ္ဂလန်တို့ ရဟန္တာတွေဟာဓမ္မံသရဏံ ဂစ္ဆာမိ ကို အပြည့်အ၀ကျင့်ကြံကြိုးကုပ်အားထုတ်လိုက်ကြသည့်အတွက်ကြောင့် နောက်ဆုံးမှာ နိဗ္ဗာန်ကိုမျက်မှောက်ပြုသွားကြတယ်။ အေး...အဲဒါသည် အပြည့်ဝဆုံး အစစ်မှန်ဆုံး ဓမ္မံသရဏံ ဂစ္တာမိ ဖြစ်ပါတယ်။ ဒါကြောင့် ဓမ္မ ဆိုတဲ့နေရာမှာ မဂ်လေးတန် ဖိုလ်လေးတန် နိဗ္ဗာန် ဆိုတဲ့ လောကုတ္တရာ တရား ၉ ပါး။ အဲဒီ လောကုတ္တရာ တရား ၉ ပါးကို ကိုယ်ကိုတိုင်မျက်မှောက်ပြုရပြီဆိုရင် ဓမ္မံသရဏံ ဂစ္တာမိ ပြီးပြည့်စုံတယ်လို့ မှတ်။

အဲဒါတွေအတွက် ဘယ်ကစရမလဲဆိုတော့ သီလကျင့်တာသည်လည်း ဓမ္မံသရဏံ ဂစ္ဆာမိ  ပဲ။ ဒါန ကောင်းမှုလုပ်တာသည်လည်း ဓမ္မံသရဏံ ဂစ္ဆာမိ  ပဲ။ စိတ်ကောင်း နှလုံးကောင်း ထားတာသည်လည်း ဓမ္မံသရဏံ ဂစ္ဆာမိ  ပဲ။ အားလုံးဟာ ဓမ္မံသရဏံ ဂစ္ဆာမိ  ထဲအကျုံးဝင်တယ်။ သို့ သော်အဲဒါတွေဟာ အခြေခံအဆင့်တွေလို့ အောက်မေ့ထား။

ဒါကြောင့် တရားနာပရိတ်သတ်အပေါင်းသူတော်ကောင်းတို့ ကလည်း ဓမ္မံသရဏံ ဂစ္ဆာမိ  ရဲ့ အဓိပ္ပာယ်ကိုသေသေချာချာသဘောပေါက်နားလည်ပြီးသကာလ ဒို့ တရားကိုကိုးကွယ်သည်ဆိုသည်မှာ တရားအတိုင်းလိုက်နာကျင့်သုံးလိုက်ရမှာဖြစ်တယ်လို့ နားလည်ပြီး ဓမ္မံသရဏံ ဂစ္ဆာမိ တရားကိုလိုက်နာကျင့်သုံးနိုင်ကြစေကုန်သတည်း။

တရားတော်ပြီးပါပြီ။

မှတ်ချက်။

ပါမ္ခောချုပ်ဆရာတော် ဒေါက်တာနန္ဒမာလာဘိဝံသ အရှင်သူမြတ်ဟောကြားတော်မူသော ဓမ္မံသရဏံ ဂစ္တာမိ တရားတော်ကို ကိုယ်တိုင်နာယူမှတ်သား၍ ပြန်လည်စာစီစာရိုက်ခြင်းပြုကာ ကုသိုလ်ပြုတင်ဆက်လိုက်ခြင်းဖြစ်ပါတယ်ခင်ဗျာ။ ဆရာတော်ကြီးပြောသမျှ တစ်လုံးမကျန်သော်လည်းကောင်း ၊ ပါဠိလိုအပြည့်အစုံမဖော်ပြနိုင်ခြင်းဌာ လည်းကောင်း ခွင့်လွတ်ပေးကြပါလို့ အားလုံးကိုမေတ္တာရပ်ခံတောင်းပန်အပ်ပါတယ်ခင်ဗျာ။ တရားတော်အပြည့်အစုံကို နာယူချင်တယ်ဆိုရင်တော့ https://www.youtube.com/watch?v=-v3Yx15myuU&feature=related မှာ သွားရောက်နာယူနိုင်ပါတယ်ခင်ဗျာ။

ယနေ့ ၁၂-၁၀-၂၀၁၁ သီတင်းကျွတ်လပြည့်နေ့ တွင် ကျွှန်တော့်မိတ်ဆွေအပေါင်းအသင်းများ အား တရားရေအေးတိုက်ကျွေးခြင်းဖြင့် ကုသိုလ်ယူတင်ဆက်လိုက်ရခြင်းဖြစ်ပါတယ်ခင်ဗျာ။

ဆံပင်နဲ့ပတ်သက်တဲ့ အယူသီးမှုများ

ဆံပင်နဲ့ပတ်သက်တဲ့ အယူသီးမှုများ

  လူဗိုလ်

မိရိုးဖလာ ယုံကြည်မှု၊ စွဲလမ်းမှုဆိုတာ လူမျိုးတိုင်းမှာ ရှိတတ်ကြစမြဲဖြစ်ပါတယ်။ မြန်မာလူမျိုးတွေဟာလည်း ဘိုးဘေဘီဘင်လက်ထက်ကတည်းက ယုံကြည်စွဲမြဲမှုတွေအရ ဒီနေ့ ဒီကာလအထိ ဖျောက်ဖျက်လို့မရတဲ့ ယုံကြည်စွဲလမ်းမှုတွေ(ဝါ) အယူသီးမှု ရှိနေကြပါတယ်။ အထူးသဖြင့် နေ့စဉ်ကြုံတွေ့နေရတဲ့ လူမှုရေးကိစ္စနဲ့ တကိုယ်ရေသန့်ရှင်းရေးဆိုင်ရာ ကိစ္စမှာတောင် စွဲစွဲမြဲမြဲ လိုက်နာလေ့ရှိတာကတော့ ဆံပင်နဲ့ပတ်သက်တဲ့ အယူအဆပဲ ဖြစ်ပါတယ်။

မွေးနေ့ သောကြာ တနင်္လာ ကေသာဆံဖြတ် မပြုအပ်-တဲ့ 
ဒါကြောင့် အယူသီးသူတချို့အနေနဲ့ မိမိမွေးနေ့ရယ်၊ သောကြာနေ့ရယ်၊ တနင်္လာနေ့ရယ်ကို ဆံပင်ညှပ်တဲ့အလုပ် မလုပ်မိဖို့ ရှောင်ကြပါတယ်။ ဒီအဆိုနဲ့ ပတ်သက်ပြီးတော့ အယူအဆအမျိုးမျိုး ရှိလာပြန်ပါတယ်။ တချို့က ဒါဟာ လူတိုင်းအတွက် မဟုတ်ပါ။ တနင်္ဂနွေသားသမီးအတွက်သာ ဖြစ်ပါသတဲ့။


တနင်္ဂနွေသားသမီးအတွက် မိမိမွေးနေ့ဖြစ်တဲ့ တနင်္ဂနွေနေ့ရယ်၊ မိမိမွေးနေ့ရဲ့ ဆပွတ်ဖြစ်တဲ့ သောကြာနေ့ရယ်၊ မိမိမွေးနေ့ရဲ့ အညွန့်ဖြစ်တဲ့ တနင်္လာနေ့ရယ်ကို အရှောင်ခိုင်းတာလို့ ဗေဒင်ပညာရှင်များက ဆိုပါတယ်။
ဒီနည်းအတိုင်းဆိုရင် တနင်္လာသားသမီးအတွက် မွေးနေ့ရယ်၊ ဆပွတ်ဖြစ်တဲ့ စနေနေ့ရယ်၊ အညွန့်ဖြစ်တဲ့ အင်္ဂါနေ့ရယ်ကို ဆံပင်ညှပ်ခြင်း ဖြတ်ဖြင်း ရှောင်ရပါလိမ့်မယ်။ လွယ်လွယ်ပြောကြစို့ဆိုရင် မွေးနေ့ရယ်၊ မွေးနေ့ရဲ့ နှစ်ခုမြောက်နေ့ရယ်၊ မွေးနေ့ရဲ့ ခြောက်ခုမြောက်နေ့ရယ်ကို ဆံပင်ညှပ်ခြင်း၊ ဖြတ်ခြင်း မပြုရပါဘူး။ ဒါက ဝေဒပညာရှင်တွေရဲ့ အလိုဖြစ်ပါတယ်။


တချို့ ဘာသာရေးနဲ့နွယ်တဲ့ ပုဂ္ဂိုလ်တွေကျတော့ မြတ်စွာဘုရားသခင် မွေးဖွားတော်မူတဲ့ သောကြာနေ့-နဲ့ ဆံတော်ကိုပယ်တဲ့ တနင်္လာနေ့ကို ဘုရားရှင်ယှဉ်ပြိုင်ပြီး မလုပ်ကောင်းတဲ့အတွက် ဆံပင်ညှပ်ဖို့ တားမြစ်ခြင်း ဖြစ်တယ်လို့ သိရပါတယ်။


ဒါပေမဲ့ ဒီနေ့ခေတ်မီတယ်ဆိုသူတွေ၊ ဆ့ကေသာနဲ့ အလှအပပြုပြင်ရေး ပညာရှင်တွေကတော့ ဒီအယူအဆကိုယ်ပယ်ပြီး မွေးနေ့ သောကြာ တနင်္လာ၊ ကေသာဆံဟောင်း ဖြတ်မှကောင်း-လို့ သရော်တဲ့ လေသံနဲ့ ပြင်ဆိုကြလေရဲ့။
တကျောင်းတဂါထာ တရွာတပုဒ်ဆန်း ဆိုတဲ့စကားနဲ့အညီ သူ့နိုင်ငံ၊ သူ့ဓလေ့အရ ဆံပင်နဲ့ပတ်သက်ပြီး အယူသီးကြတဲ့ လူမျိုးစုတွေလည်း ရှိနေကြပါတယ်။


ဗြိတ်သျှကျွန်းဆွယ်က အင်္ဂလန်၊ စကော့တလန်၊ ဝေလနယ်နဲ့ အိုင်ယာလန်နိုင်ငံတွေမှာလည်း ဆံပင်နြ့ပတ်သက်တဲ့ အယူသီးမှုတွေ ရှိနေခဲ့ပါတယ်။ သူတို့ရဲ့ အယူအဆမှာလည်း သောကြာနေ့ကို ဆံပင်မညှပ်ရ၊ ညှပ်ရင် ကံဆိုးမိုးမှောင်ကျတတ်တယ်လို့ ဆိုပါတယ်။

အင်္ဂလန်ပြည် အလယ်ပိုင်းဒေသ တချို့မှာတော့ ကြာသပတေး၊ သောကြာ၊ စနေနေ့ တနင်္ဂနွေနေ့တွေမှာ ဆံပင်မညှပ်ကောင်းဘူးလို့ အယူရှိကြပြန်တယ်။ အဲဒီနေ့ လေးနေ့မှာ ဆံပင်ညှပ်ရင် လာဘ်ပိတ်တတ်တယ်။ စီးပွားမဖြစ်ထွန်းဘဲ ဖြစ်တတ်တယ်လို့ ဆိုပါတယ်။


ပင်လယ်ပြင်မှာ ခရီးထွက်နေတဲ့ သင်္ဘောသားတွေအနေနဲ့လည်း လှိုင်းလေငြိမ်သက်နေဆဲမှာ ဆံပင်ညှပ်မိရင် လေမုန်တိုင်း ကျရောက်တတ်တယ်လို့ အယူသီးကြပြန်ပါသတဲ့။
တချို့လည်း ဆံပင်ညှပ်ပြီး ပစ်လိုက်ရမယ့် ဆံပင်အပြတ်စတွေကို ငှက်တွေနဲ့ အောက်လမ်းဆရာတွေ မတွေ့အောင် မီးရှို့ပစ်ကြပါတယ်။ တကယ်လို့ အဲဒီဆံပင်ညှပ်စ၊ ဖြတ်စတွေကို ငှက်တွေက ကိုက်ချီပြီး သူတို့အသိုက်မှာ အသုံးပြုခဲ့မိရင် ဆံပင်ပိုင်ရှင်အဖို့ ခေါင်းကိုက်တဲ့ဝေဒနာကို အသိုက်မပျက်စီးမချင်း အမြဲတမ်းခံစားနေရတတ်တယ်လို့ အယူရှိကြပါတယ်။


တကယ်လို့များ အဲဒီငှက်ဟာ တခြားငှက်အမျိုးမျိုးထဲက မဟုတ်ဘဲ ဆက်ရက်ငှက်ဖြစ်ခဲ့ရင် အဲဒီဆံပင်ပိုင်ရှင်ဟာ တရက် နှစ်ရက်အတွင်း သေဆုံးရပါလိမ့်မယ်။ ဆံပင်ဖြတ်စတွေကို
အောက်လမ်းဆရာတွေ တွေ့သွားခဲ့ရင်လည်း နာအောင်၊ ဖျားအောင်၊ သေဆုံးအောင် ပြုစားတတ်တယ်လို့ မှတ်ယူကြပါတယ်။


ဒါဘီရှိုင်းယားဒေသက ဆံပင်နဲ့ပတ်သက်တဲ့ အယူအဆကတော့ တမျိုးတဘာသာ ထူးခြားနေပြန်ပါတယ်။ သူတို့အယူအဆကတော့ မိမိတို့ရဲ့ သားသမီးများ ဆံပင်ကို မိဘများအနေနဲ့ သိမ်းဆည်းမထားရပါဘူးတဲ့။ တကယ်လို့ သိမ်းဆည်းထားခဲ့ရင် ဆင်းရဲမွဲတေတတ်တယ်။ အသက်တိုတတ်တယ်လို့ ယုံကြည်နေကြပါတယ်။


ဆံပင်ဖြတ်စတွေကို မီးထဲထည့်ရှို့လို့ မီးရှိန်ကောင်းကောင်းနဲ့ လောင်ကျွမ်းရင် အသက်ရှည်တတ်တယ်။ အဲဒီလို မလောင်ကျွမ်းရင် နိမိတ်မကောင်းဘူးလို့ ယူဆကြပါတယ်။ ဆံပင်ကို မီးရှို့လို့ ကောင်းကောင်း မလောင်ကျွမ်းရင် ဆံပင်ပိုင်ရှင်ဟာ နောက်ထပ်တနှစ်ပဲ အသက်ရှင်နိုင်တော့မယ်လို့ ယုံကြည်ကြပါတယ်။ လူတယောက်ကို မိမိထံ လာရောက်စေလိုရင် လာရောက်စေလိုသူရဲ့ ဆံပင်ကို ရေထဲထည့်မြှုပ်ရင် မုချဆက်ဆက် ရောက်လာတတ်ပါသတဲ့။


စုန်းမတယောက်က တစုံတယောက်ကို ပြုစားရာမှာ ကျိန်စာတိုက်ရာမှာ စုန်းမဟာ သူ့ရဲ့ဆံပင်ကို ဖားလျားချထားခဲ့ရင် သူ့ရဲ့ပြုစားသမျှဟာ နှစ်ဆပိုပြီး စွမ်းအားဖြစ်စေတယ်။ အာနိသင် ပိုမိုစေတယ်လို့ အဆိုရှိပါတယ်။ ဆပ်ဖော့အရပ်ဒေသက အယအဆတရပ်ကတော့ မိသားစုအိမ်ထောင်ရှိ ကလေးတွေမှာ ကြက်ညှာချောင်ဆိုးရောဂါ စွဲကပ်လာခဲ့လို့ရှိရင် သမီးအကြီးရဲ့ ဆံပင်ကိုဖြတ်ပြီး နွားနို့ထဲမှာ စိမ်ကာ အဲဒီနွားနို့ကို အငယ်ဆုံးကလေးကစပြီး သမီးအကြီးအထိ တယောက်စီ တဦးပြီးတဦး အစဉ်လိုက် သောက်ခဲ့ရင် အဲဒီကြက်ညှာရောဂါ ပျောက်ကင်းတယ်လို့ဆိုပါတယ်။ ကြက်ညှာချောင်းဆိုး ရောဂါနဲ့ တခြားရောဂါများ ပျောက်ကင်းစေချင်ရင် ရောဂါစွဲကပ်သူရဲ့ ဆံပင်တချို့ကို ဖြစ်စေ၊ ပေါင်မုန့်ထောပတ်သုပ်မှာ မြှုပ်ပြီး ခွေးကျွေးရင်ဖြစ်စေ ရောဂါပျောက်ကင်းစေပါတယ်။ ဒီလိုလုပ်တဲ့အတွက် စွဲကပ်နေတဲ့ရောဂါဟာ မြေကြီးထဲရောက်ရှိသွားတယ်လို့ ဆိုပါတယ်။ ဒီလိုမှမဟုတ်ရင် ခွေးဆီကို ကူးပြောင်းသွားတယ်လို့ အယူအဆရှိ်ပါတယ်။


စကော့တလန်နိုင်ငံက အယူအဆတရပ်ကတော့ ဘယ်လိုရောဂါမျိုးမဆို ဖြစ်ပွားခဲ့ရင် ရောဂါစွဲကပ်သူရဲ့ ငယ်ထိပ်က ဆံပင်၊ မျက်တောင်မွေး တချောင်းနဲ့ လက်သည်းတချို့ကို ယူပြီး ပိုက်ဆံပြားတပြားနဲ့
ရောနှောထုပ်ပြီး လမ်းမပေါ်မှာပဲဖြစ်ဖြစ်၊ တခြားမည်သူမဆို တွေ့နိုင်တဲ့နေရာမှာပဲဖြစ်ဖြစ် လွှင့်ပစ်ထားရပါလိမ့်မယ်။ ဒီလိုလုပ်ခြင်းအားဖြင့် အဲဒီအထုပ်ကို တွေ့ရှိသူထံ ရောဂါကူးပြောင်းသွားတယ်လို့ ဆိုပါတယ်။


ဒါတင်မက ယောက်ျားတဦးအဖို့ မုတ်ဆိတ်မွေးထူထူရှိမယ်၊ ရင်ဘတ်မှ အမွေးအမှင်တွေ ထူထူထဲထဲ ရှိမယ်ဆိုရင် ကျန်းမာသန်စွမ်းသူ၊ ခွန်အားပြည့်ဝသူရဲ့ သင်္ကေတအဖြစ် မှတ်ယူကြပါတယ်။ တကယ်လို့ လက်မောင်းမှာ အမွေးထူထူပေါက်မယ်ဆိုရင်တော့ မကြာခင် ချမ်းသာကြွယ်ဝတော့မယ့်နိမိတ် လက္ခဏာလို့ အယူအဆရှိကြပါတယ်။


လူတယောက်ဟာ နာဖျားမှုမရှိဘဲ ကျန်းကျန်းမာမာရှိနေရာက ဆံပင်တွေကျွတ်မယ်၊ ထိပ်ပြောင်မယ်ဆို၇င်တော့ ကျန်းမာရေးရင်လည်း ချူချာတော့မယ်၊ စည်းစိမ်ဥစ္စာရင်လည်း ဆုံးရှုံးတော့မယ်ဆိုတဲ့ လက္ခဏပြရုံသာမက သားငယ် သမီးငယ်ရှိရင်လည်း အသက်ဆုံးရှုံးတတ်တဲ့ နိမိတ်လို့ ယုံကြည်ကြပါတယ်။


ဆံပင်ရဲ့ အရောင်အပေါ်မှာ မူတည်ပြီးတော့လည်း အယူအဆအမျိုးမျိုး ရှိတတ်ကြပါသေးတယ်။ တချို့ဒေသတွေမှာ ဆံပင် ပြောင်းဖူးမွေးရောင်ရှိသူဟာ ကံကောင်းသူအဖြစ် ယူဆတတ်ကြပြီး တချိုပဒေသတွေအတွက်တော့ အနက်ရောင်ဆံပင်ရှိသူသာ ကံကောင်းသူအဖြစ် ယူဆတတ်ကြပါတယ်။ အနီရောင်ဆံပင်ရှိသူတွေကတော့ အများအားဖြင့် ကံဆိုးမိုးမှောင်ကျတတ်ကြပါတယ်။


ဒီဆံပင်အရောင်အဆင်းနဲ့ ပတ်သက်တဲ့ အယူအဆရေးရာကို ခိုင်ခိုင်မာမာ သက်သေပြနိုင်တဲ့ အထောက်အထား မရှိပါဘူး။ ဒါပေမဲ့ အင်္ဂလိပ်ပြဇာတ်ဆရာကြီး ရှိတ်စပီးယားရဲ့ ရွှေစိတ်တော် အလိုကျ-ပြဇာတ်ထဲမှာတော့ ဒီသဘောတရားမျိုး ခပ်ဆင်ဆင်ရေးဖွဲ့ခဲ့ဖူးတာ တွေ့ရပါတယ်။ ဒါပေမဲ့ ခုခေတ်မှာတော့ ဒီအယူအဆဟာ လုံးဝနီးပါး ပျောက်ကွယ်ခဲ့ပါပြီ။ ဆံပင်ကို လိုသလိုဆေးဆိုးပြီး လိုသလိုပုံစံပြောင်း အလှဆင်ကြတဲ့ခေတ် မဟတ်ုလား။


ဒါပေမဲ့ ဆံပင်နီသူဟာဒေါသအမျက်ကြီးသူ၊ ရက်စက်ကြမ်းကြတ်သူ၊ အချစ်ရေးရာနယ်ပယ်မှာတော့ စိတ်ပျော့သူ၊ စိတ်လွယ်သူလို့ ယူဆကြပါတယ်။ ဒန်ဘာတန်ဒေသက အယူအဆအရကတော့ ဆံပင်နီတဲ့ အမျိုးသားဟာ လင်ယောက်ျားမပီသတဲ့ လူစားမျိုးလို့ ယုံကြည်ပြီး အမျိုးသမီးတွေ ရှောင်ကြဉ်လေ့ရှိပါတယ်။


ဆံပင်နဲ့ပတ်သက်ပြီး သျှောင်နောက်ဆံထုံးပါ-ဆိုတဲ့ စကားရှိသလို ယောက်ျာတိးု့ဘုန်း ဆံထုံး-လို့လည်း ကျွန်တော်တို့မြန်မာတွေ ယူဆတတ်ကြပါသေးတယ်။ ရှင်မွေးနွန်း-မင်းနန္ဒာဇာတ်မှာ မင်းနန္ဒာရဲ့ ညာလက်ရုံးကို ရှင်မွေးနွန်းက ခေါင်းအုံးအိပ်တဲ့အတွက် မင်းနန္ဒာ ဘုန်းကံနိမ့်ပါးပြီး ကျဆုံးရတယ်လို့လည်း ယုံကြည်ကြပါတယ်။


အခုလို ဆံပင်နဲ့ပတ်သက်ပြီး အယူအဆ၊ အစွဲအလမ်းတွေ ထွေပြားတာဟာ ဆံပင်မှာ လူတွေရဲ့ အထါတ်အမြတ်ဖြစ်တဲ့ ဦးခေါင်းထက်က ဖြစ်တာရယ်၊ ဆံပင်ဟာ လူရဲ့တကိုယ်လုံးမှာ အသက်ရှင်သမျှ ကာလပတ်လုံး ဘယ်တော့မှ ဖျက်ဆီးလို့မရတဲ့အရာရယ်ကြောင့် ဖြစ်နိုင်ပါတယ်။ ဆံပ်ငကို ဘယ်လိုပဲ ရိတ်ရိတ် အချိန်တန်ရင် ထိုးထိုးထောင်ထောင်နဲ့ ပြန်လည်ရှင်သန်လာ၊ ပေါက်လာတာပဲမဟုတ်လား။


ခရစ်ယာန်ဓမ္မဟောင်းကျမ်းမှာ လာတဲ့ ဣသရေလပုံပြင်မှာ ဆံမဆန်အမည်ရှိသူ လူသန်ကြီးဟာ ဆံပင်ပေါ်မှာ သူ့ရဲ့စွမ်းအားဗလက တည်နေပြီး သူ့ကို ဖမ်းဆီးလိုတဲ့အခါ သူ့ရဲ့ဆံပင်ကို ရိတ်ပြီးမှ ဖမ်းလို့ရနိုင်ခဲ့တယ်လို့
ဖော်ပြပါတယ်။


ကျွန်တော်တို့ မြန်မာတွေအဖို့တော့ ဆံပင်နဲ့ပတ်သက်ပြီး အနောက်တိုင်းဓလေ့လောက် အယူသီးမှုမရှိလှ ပေမဲ့ အထွတ်အမြတ်အယူအဆကတော့ ခိုင်မြဲလျက်ရှိပါတယ်။ ရှေးခေတ်အဆက်ဆက်ကစပြီး
ခေတ်ကာလအလျောက် ဆံပင်နဲ့ပတ်သက်ပြီး ဆင်ယင်ထုံးဖွဲ့မှုအမျိုးမျိုး ရှိခဲ့ပါတယ်။ မိမိအမြတ်တနိုးထားတဲ့ ဆံပင်ကိုဖြတ်ပြီး စေတီ၊ ပုထိုးတွေမှာလည်း လှူဒါန်းကြပါတယ်။ သက်ကြီးဝါကြီး ဆရာတော်ကြီးများ ကြွလာတဲ့အခါမှာလည်း ဆံပင်ကိုဖြန့်ခင်းပြီး လမ်းခင်ပူဇော်လေ့ရှိပါတယ်။ သိပ်ပြီးအယူသီးတဲ့ မြန်မာတချို့ကတော့ အင်္ဂါနေ့မှာ ဆံပင်ကို အုန်းဆီလိမ်းရင် သားချင်းဆွေမျိုးများနဲ့ တကွဲတပြား နေရတတ်တယ်လို့ ဆိုပါတယ်။

ပါဏာတိပါတ အမေးအဖြေ

  လူဗိုလ်

အမေး-
အရှင်ဘုရား တပည့်တော်သည် ဗုဒ္ဓဘာသာဝင် ဖြစ်သော်လည်း ဗုဒ္ဓဘာသာနှင့် ပတ်သတ်နှင့် ပတ်သတ်ပြီး အလွန်အားနည်းပါသည် အရှင်ဘုရား။ တပည့်တော်သည် facebook မှ ဗုဒ္ဓဘာသာ / အတွေးအမြင်  post များကို ဖတ်ပြီး တပည့်တော် ဗုဒ္ဓဘာသာနှင့် ပတ်သတ်ပြီး ပို၍သိမြင်လာရပါသည်။ တပည့်တော်၏ စိတ်ထဲတွင် သိချင်သော လောက နှင့် ပတ်သတ်၍မရှင်းသော ပြဿနာများကိုလဲ ဗုဒ္ဓ၏အယူဝါဒ ဖြင့် ပို၍နားလည်သဘောပေါက်လာရပါသည်။ ပိုမို၍ ကြည်ညို သဒ္ဓါတရား ပွားများလာရ ပါ၏ အရှင်ဘုရား။
ယခု တပည့်တော်ကို မေးခွန်း မေးခွင့်ပြုပါ အရှင်ဘုရား။ ယခု မေးခွန်းကို တပည့်တော် နားမလည်၍ တွေးနေသည်မှာ နှစ်အတော် ကြာပါပြီအရှင်ဘုရား။ ခုထိလဲ တွေး၍မရသေးပါ အရှင်ဘုရား။ တပည့်တေ် မေးခွန်းတွင် အမှား တစုံတရာပါရှိပါက ခွင့်လွတ်ပေးတော်မူပါ အရှင်ဘုရား။



ဗုဒ္ဓမြတ်စွာ ဘုရားသည် တပည့်တော်တို့အား သံသရာ ၀ဋ်ဆင်းရဲမှ လွတ်မြောက်ကြောင်း တရားအား ဟောကြားတော် မူခဲ့ပါသည်။ ဤသို့ ဗုဒ္ဓမြတ်စွာ ဟောကြားခဲ့သော တရားများတွင် ဗုဒ္ဓဘာသာကောင်း တယောက်အနေဖြင့် ငါးပါးသီလ ဆောက်တည်ခြင်းမှာ အရေးကြီးသည်ဟု တပည့်တော်နားလည်ပါသည်။

ငါးပါးသီလ တွင် ပထမ ဦးဆုံးအချက် ဖြစ်သည့် ပါဏာတိပါတာ ကံနှင့် ပတ်သတ်၍ တပည့်တော် သေချာစဉ်းစားကြည့် ပါသည် အရှင်ဘုရား။
ဤသို့ စဉ်းစားကြည့်သော အခါ တပည့်တော် သည် ပါဏာတိပါတာ ကံ နှင့် ကင်းလွတ်သည် ဟု မည်သို့မျှ တွေး၍မရပါ အရှင်ဘုရား။
တပည့်တော် သည်နေ့စဉ်နေ့တိုင်း အသား၊ငါး များကို   ခန္နာဗေဒ   ၏ လိုအပ်ချက် အရ သုံးဆောင်ရပါသည်။ ထို့ကြောင့် နေ့စဉ်နေ့တိုင်း တပည့်တော်တို့၏ လိုအပ်ချက်ကြောင့် အသား၊ ငါး တို့ကို နေ့စဉ် သတ်ဖြတ်နေရ သဖြင့် ၎င်း၊ အပြန်အလှန်အားဖြင့် စားသုံးရန် အတွက် ငွေပေး၍ ၀ယ်ယူရခြင်းသည် သတ်ဖြတ်ရန် အတွက် ငွေကြေးပေး၍ ခိုင်းသည့် သဘောသက်ရောက်သည့် အတွက်၎င်း။ တပည့်တော်သည် မိမိကို မိမိ အပြစ်ကင်းသည်ဟု မယူဆလိုပါ အရှင်ဘုရား။ တပည့်တော်ကို ရှင်းပြပေးလိုပါသည် အရှင်ဘုရား။ တပည့်တော်အား ငါးပါသီလ နှင့်ပတ်သတ်၍ လည်းရှင်းပြပေးပါ အရှင်ဘုရား။

ကိုအောင်ထက်

++++++++



အဖြေ

ဒကာတော်မေးခွန်းအတွက် အထူးကျေးဇူးတင်ပါကြောင်း ရှေးဦးစွာ မိတ်ဆက်လိုပါသည်။ ဒကာတော်မေးခွန်းက မေးသင့်တဲ့ မေးခွန်းပါ၊ သက်သတ်လွတ်စားဝါဒ မေးခွန်းနဲ့ အတူတူပါပဲ၊ သက်သတ်လွတ်စားတဲ့သူတွေက ကုသိုလ်ရအောင်လို့ အသား ငါး မစားကြဘူးတဲ့၊ သူများအသက် သတ်ခြင်းနှင့် သွယ်ဝိုက်ပြီး မကင်းသူဖြစ်လို့ မစားခြင်းဖြစ်သည်ဟု ပြောကြပါလိမ့်မည်။ ဒကာ့မေးခွန်းကလဲ အဲဒီမေးခွန်းအတိုင်းပါပဲ။


ပါဏာတိပါတဆိုတာ

ရှေးဦးစွာ ပါဏာတိပါတ အဓိပ္ပါယ်ကို နားလည်ဖို့လိုသည်။

ပါဏ-အသက်။ အတိပါတ-သတ်ခြင်း။
ထိုသို့ သူတပါးအသက်ကို သတ်ရာဝယ် မတော်တဆဖြစ်တာမျိုး၊ စေတနာမပါဘဲ သတ်မိတာမျိုးကို မဆိုလိုပါ။

သူတပါး အသက် သတ်သူ၏ သန္တာန်မှာ

(၁) အသက်ရှိသတ္တ၀ါဟု အမှတ်သညာ ရှိနေရမည်၊
(၂) အသက်သတ်ခြင်းကို ဖြစ်စေသော ကာယကံ ၀စီကံတိုက်ရိုက် (ကာယပယောဂ၊ ၀စီပယောဂ) တစ်ခုခုပါရှိခြင်း။
(၃) ထို သတ္တ၀ါကို သေစေသော ကာယကံ ၀စီကံကို ဖြစ်စေသော စေတနာ (၀ဓကစေတနာ)ပါရှိရခြင်း။

 
အရိယာဖြစ်သော စက္ခုပါလမထေရ်ကြီး လမ်းလျှောက်ရင်း ပုရွက်ဆိပ်တွေနှင်းမိပြီး များစွာ သေကုန်သည်ကို ရဟန်းငယ်များက စက္ခုပါလမထေရ် သူများအသက် သတ်သည်ဟု စွပ်စွဲခဲ့ဖူးသည်၊ ဘုရားက သတ်လိုတဲ့ စိတ်စေတနာ (၀ဓကစေတနာ) မပါသောကြောင့် ပါဏာတိပါတကံ မမြောက်ဟု မိန့်ခဲ့သည်။

ထိုပြဆိုခဲ့သော အင်္ဂါများဖြင့် စိစစ်ကြည့်သော်

ဈေးမှ သို့မဟုတ် သားသတ်သမားထံမှ အသားဝယ်ခြင်းသည်

• ကိုယ်ကိုတိုင်သတ်သည်လဲ မဟုတ်

• သတ်စေဖို့ရန် ကိုယ်အားဖြင့်၎င်း နုတ်ဝစီအားဖြင့်၎င်း ဒီအကောင် ဒီသတ္တ၀ါကို သတ်ပါဟု စေခိုင်းခြင်းမျိုးလဲမပါ၊

• ထိုသတ္တ၀ါကို သေစေလိုသော ၀ဓကစေတနာလဲ မရှိဆိုတော့ ဈေးဆိုင် သို့မဟုတ် တစ်ယောက်ယောက်ထံမှ အသားဝယ်ချက်စားသူသည် ပါဏာတိပါတကံ မမြောက်ပါ။

အသားစားသူတိုင်းသာ ပါဏာတိပါတကံ ကျူးလွန်၏ဆိုလျှင် ဘုရားရဟန္တာများ သူများအသတ် သတ်နေသူများ ဖြစ်သွားပါလိမ့်မည်။ ဘုရားရှင်ကိုယ်တိုင်ကလဲ နေ့စဉ် ရပ်ထဲရွာထဲမှ ဒကာ ဒကာမများက လှူလိုက်သမျှ လောင်းသမျှတို့ကိုသာ ဘုန်းပေးနေရသည်ဖြစ်ရကား အသားရော ဘာကော မရှောင် အကုန်ဘုန်းပေးရသည်။

လူအသိများသည့် သာဓကတစ်ခုကတော့ ဘုရားပရိနိဗ္ဗာန်ဝင်စံခါနီးအချိန်မှာ စုန္ဒလှူလိုက်သော ၀က်သားကိုတောင် ဘုန်းပေးသွားခဲ့သည်။

တခါက ဘ၀ဆက်တိုင်းနီးပါး ဘုရားရှင်နဲ့ အပြိုင် အတိုက်အခံ လုပ်လာခဲ့သော အရှင်ဒေ၀ဒတ် အလောင်းသည် ယခု အရှင်ဒေ၀ဒတ်ဘ၀မှာပဲ ဘုရားနဲ့ပြိုင်လိုသည်၊ ဘုရားနဲ့ စင်ပြိုင် အဖွဲ့တစ်ခု တည်ထောင်လိုသည်ဖြစ်ရကား အာဏာရ အဇာတသတ်မင်းသားနဲ့ ပူပေါင်းကာ ဘုရားနှင့် လက်ရှိအာဏာရ အဖေဖြစ်သူ ဘုရင်ဗိမ္ဗိသာရမင်းတို့ကို လုပ်ကြံခဲ့သည်။

ဘုရားရှင်ထံ သံဃာအသင်းခွဲရန် ဆု ၅ မျိုးတောင်းဆိုသည်၊

• ထိုဆု ၅ မျိုးတွင် အသက်ထက်ဆုံး အသားငါးမစားဘဲ နေရန်၊ အသားစားပါက အပြစ်ဖြစ်စေ ဆိုတဲ့ ဆုတစ်ခုပါသည်။

ဘုရားက လုံးဝကို ပယ်လိုက်သည်။

အစွန်း ၃ပါးမှ လွတ်လျှင် (တိကောဋိပရိသုဒ္ဓ) တားမြစ်ထားသည့် လူ, ဆင်, မြင်း, ကျား, မြွေ စတဲ့ အသားကြီး ၁၀မျိုးက လွဲရင် အသားဟင်းမှန်သမျှ စားနိုင်သည်။

အစွန်း ၃ပါးဟူသည်
်
၁။ အဒိဋ္ဌ-အသားသတ်သမားသည် ဒီအသားကို ငါ့အတွက် သတ်နေသည်ဟု မမြင်ခြင်း၊
၂။ မကြားရခြင်း၊
၃။ ယုံမှားခြင်း မရှိခြင်းဖြစ်သည်။

• အသားသတ်သူက ကိုယ့်အတွက် သို့မဟုတ် ကိုယ်က မှာလိုက်လို့ အော်ဒါမှာလို့ သတ်သည်ဟု ကိုယ်တိုင်လျှင် ထိုအသား မစားကောင်း၊
• ကိုယ့်အတွက် သတ်ပေးနေသည်ဟု ကြားပါကလဲ ထိုအသား မစားကောင်း၊
• ဒီအသားနဲ့ပတ်သက်ပြီး ကိုယ့်အတွက် ရည်စူးပြီး သတ်နေတာပါလားဟု သံသယစိတ်ဖြစ်နေရင်လဲ ထိုအသား မစားရ ဟူသတည်း။

ဈေးသည် သို့မဟုတ် အသားသတ်သမားသည် သူ၏အသက်မွေးဝမ်းကြောင်းအတွက် အသားများကို သတ်ဖြတ်ရောင်းချရာတွင် မည်သူမည်ဝါအတွက် တိကျသော ရည်ရွယ်ချက်မရှိ၊ ကိုယ့်ဆိုင် လာသမျှသူများကိုသာ ရောင်းချသည်၊

ကိုယ်က သတ်ခိုင်းလို့ ကိုယ့်အတွက် သတ်သည်ဟုသော ရည်ရွယ်ချက် ထိုသားသတ်သမားမှာ မရှိသည်အတွက် ထိုသူရောင်းသော အသားဟင်းများ ၀ယ်ချက်ကောင်းသည်၊ စားကောင်းသည်။ အကယ်၍ ပိဿာချိန်အများအပြား လိုချင်သော ကိုယ်က အလှူကြီးတွေအတွက်  အော်ဒါမှာတယ်ဆိုရင်တော့ သံသယဖြစ်စရာပင်။

အသားငါးမစားဘဲ သက်သတ်လွတ်သမား၏ အစားအစာအပေါ် ရသတဏှာ လောဘဖြင့်စားခြင်းနှင့်
အသားငါးစားပြီး အစားအစာအပေါ် တပ်မက်သည့် ရသတဏှာမရှိဘဲ အစားအစာအပေါ် ဆင်ခြင်ပြီး

စားသုံးနေသူ မည်သူက အကုသိုလ်ဖြစ်၊ မည်သူက ကုသိုလ်ဖြစ်နေသနည်း စဉ်းစားဖွယ်ရှိသည်။

သက်သတ်လွတ်ဝါဒများအတွက် စဉ်းစားဖွယ်ဖြစ်သလို ပါဏာတိပါတကံ အပေါ် သံသယဖြစ်နေသူအတွက် စဉ်းစားသင့်သည်။

တကယ်တော့ ဘုရားရှင်က မိမိတို့သန္တာန်မှာရှိနေတဲ့ လောဘ ဒေါသ မောဟစတဲ့ အကုသိုလ် ကိလေသာစိတ်များကို ပယ်သတ်နိုင်ဖို့အရေးကို ဦးစားပေး လမ်းညွှန်သည်၊
ထို ပါဏာတိပါတကံစတဲ့ ငါးပါးသီလကို မလုံခြုံနိုင်ခြင်း ကျိုးပေါက်ရခြင်းတို့သည် အခြေခံအားဖြစ့် လောဘ ဒေါသ မောဟတို့ကြောင့်သာ ဖြစ်သည်။

ထို့ကြောင့် အသားဟင်းပဲ စားစား သက်သတ်လွတ်ပဲ စားစား လောဘစတဲ့ ကိလေသာ မဖြစ်ဖို့အဓိကဖြစ်ပါကြောင်း တင်ပြလိုက်ပါသည်။

ဤမျှလောက်ဖြင့် ဒကာတော် ကျေနပ်လိမ့်မည်ဟု မျှော်လင့်ပါသည်။ အကယ်၍များ မတင်းတိမ်သေးပါက တခြားဆရာတော်များအား မေးနိုင်ပါသည်။



ရွှင်လန်းချမ်းမြေ့ပါစေ
မေတ္တာဖြင့်
သီတဂူစတား

ယောက်ျားဆိုတာ

ယောက်ျားဆိုတာ

  လူဗိုလ်

ယောက်ျားဆိုတာ
If you kiss him, he kisses you back
သင်ကသူ့ကိုနမ်းရင်... သူကသင့်ကိုပြန်နမ်းမယ်
If you don't, he patiently waits
မနမ်းရင်လည်း... သူကစိတ်ရှည်ရှည်နဲ့စောင့်မယ်...
If you praise him, he says thanks you
သင်ကသူ့ကို ချီးမွမ်းရင်... သူက ကျေးဇူးပါလို့ပြန်ပြောမယ်...
If you don't, he feels secure in your love
မချီးမွမ်းရင်လည်း.. သင်အချစ်နဲ့ကိုသူစိတ်ချနေမယ်..
If you agree to all his likes, you have met your fantasy man

သူအကြိုက်တွေ အားလုံးကို သင်သဘောကျရင်.. သင်ကံကောင်းတယ်..
If you don't, you still get along
မကြိုက်ရင်လည်း... တပူးတွဲတွဲပါပဲ
If you visit him often, he welcomes you every time
သင်ကသူ့ဆီကို မကြာခဏသွားလည်းရင်... သူကအမြဲတမ်း သင့်ကိုကြိုမယ်...
If you don't, he'll visit you instead
သင်ကသွားမလည်ရင်လည်း ...သူကသင့်ဆီကိုလာလည်မယ်...
If you are well dressed, he says you are beautiful
သင်ကောင်းကောင်းမွန်မွန်ဝတ်စားထားရင်... မင်းအရမ်းလှတာပဲလို့ သူကပြောမယ်
If you don't, you are still beautiful
အလိုမ၀တ်စားရင်လည်း... မင်းဟာလှနေတုံးပါပဲ..
If you are jealous, he reassures you and holds you
သင်ကမနာလိုအူတိုဖြစ်ခဲ့ရင်... သင်ကိုစိတ်ချဖို့ပြောပြီး ထွေးပွေ့မယ်...
If you're not, he gives you no reason to be
မနာလိုမဖြစ်ရင်လည်း... ဘာမှပြောမှာမဟုတ်...
If you kiss him once in a while, he's appreciative of your affection
သင်သူ့ကိုတော်တော်ကြာမှ တခါလောက်နမ်းရင်... သင်ရဲ့မြတ်နိုးမူကိုတန်ဖိုးထားမယ်...
If you kiss him often, he will always have you on his mind
မကြာခဏနမ်းရင်လည်း.. သူ့အတွေးထဲမှာ သင်အမြဲရှိမယ်...
If you stare at another man, he knows that you're only admiring
သူမကတခြားသူတွေကို ငေးမိရင်... သူကလေးစားလို့ကြည့်တာလို့သိတယ်...
If he is stared by other women you know why-he's one hot babe
သူကိုတခြားမိန်းမကငေးရင်လည်း... သူမကလန်းလို့ ကြည့်တာ...
If you talk, he'll always listen
သူမစကားပြောရင်... သူအမြဲနားထောင်တယ်..
If you listen, he'll tell you anything you want to know
သင် နားထောင်ရင်... သင်သိချင်တာအားလုံးသူပြောပြလိမ့်မယ်...
In short:
အတိုချုပ်ရင်
So complex, yet so direct
ရှုပ်ထွေးသလောက် တည့်တည့်ပြောသူ
So strong, yet so supportive
ခွန်အားရှိသလို... အရမ်းပံပိုးသူ...
So dazzling, yet so humble
တောက်ပြောင်သလောက်... နှိမ့်ချတတ်သူ
So passionate, yet so marvelous... .MEN!
စိတ်ပြင်းထန်သလို... အံသြဖွယ်ကောင်းသူ... ယောက်ျား...

သမိုင်းစကား

သမိုင်းစကား

  လူဗိုလ်

သမိုင်းမှတ်တမ်းတင်သူတွေဟာ အဂတိ မလိုက်ရဘူး။ ချစ်လို့မြှောင့်ပင့်ရေးတယ်။ မုန်းလို့ နှိမ့်ချကဲ့ရဲ့တယ်။ ကြောက်လို့ ဖုံးကွယ်ပြောတယ်။ မသိတာကို ဝန်မခံချင်လို့ ဖြစ်ကတတ်ဆန်း ရေးတယ်ဆိုတာမျိုး ဘယ်တော့မှ မလုပ်ရဘူး။ ဂတိမလိုက်ဘဲ ရေးသားတဲ့ သမိုင်းစစ်စစ်ကို ရှာပြီး လေ့လာပါလို့ပြောချင်တာ။ သမိုင်းစစ်စစ်ကို သိရင် အချူပ်ကတော့ မအ ဘူးပေါ့။ (ဒေါက်တာသန်းထွန်း၊ သမိုင်းနှင့် စကားပြောခြင်းမှ)
12/26/09
ဒင်္ဂါးအတု
 တောင်ပန်နီ ဘုန်းတော်ကြီး နှင့် ဒင်္ဂါးတု
 မျက်မှောက်ခေတ် ငွေစက္ကူ ငွေအကြွေဒင်္ဂါး အတုများပြုလုပ်ရန် ကြံစည်ကြသည့်နည်းတူ မင်းတုန်းမင်း လက်ထက်ကလည်းဒင်္ဂါးအတုများ ပေါ်ပေါက်ခဲ့ဘူးသည်။ ငွေကိုကြေးနီများရောစပ်၍ တံဆိပ်တော်အတု ရိုက်နှိပ်ကာ သုံးစွဲကြသည်။
 ဒင်္ဂါးတုပြုလုပ်သူမှာ ဘုန်းတော်ကြီး တစ်ပါးဖြစ်သည်။ ထိုဘုန်းတော်ကြီး စတင်ပြုလုပ်သော ဒင်္ဂါးတုများမှာ ကြာလာသည့်အခါ ကြေးနီများသည်ဖြစ်၍ ဥဒေါင်းရုပ် အတောင်ပန်က စတင်ကာ ကြေးနီရောင် ပေါ်လာသဖြင့် မြို့ဝန်ထောင်မှူး ( တထောင်မှူး ) တို့စုံစမ်း စစ်ဆေးရမိရာတွင် ထိုဘုန်းတော်ကြီးကို မောင်းကျော်ရာဇဝတ်တော် ပေးရဘူးလေသည်။
 ထိုဘုန်းတော်ကြီးကို " တောင်ပန်နီ ဘုန်းတော်ကြီး" ဟု ၎င်း ထိုဘုန်းတော်ကြီးပြုလုပ်သော ဒင်္ဂါးကို " တောင်ပန်နီဒင်္ဂါး" ဟု ၎င်း ခေါ်ဝေါ်ကြသည်။ ထို အချိန်က ဒင်္ဂါးများကို စစ်မစစ် မှန်မမှန် ကြည့်ရှူသုံးစွဲကြရကြောင်းသိရသည်။
( မြန်မာ ဒင်္ဂါးများ ၊ သပြေညို မောင်ကိုဦး ၊ စာပေဗိမာန် ၁၉၇၀ ၊ စာမျက်နှာ ၁၀၃ )
 မင်းတုန်းမင်း ခေတ် ကတည်းက ဒင်္ဂါး အတု ပေါ်၊ မပေါ် ရဲရဲ မပြောတတ်။ သို့သော် ကျွန်တော်တို့ ခေတ်မှာ တော့ ရတနာပုံ ဒင်္ဂါးမှန်သမျှ ထိုင်း၊ အိန္ဒိယ နှင့် ဟောင်ကောင် စတဲ့နိုင်ငံတွေက အတုလုပ်ပြီးရောင်းတယ်။ တောင်ပန် မနီ ၊ ရင်အုပ်လည်း မနီ။ အလေးချိန်မတူ ၊ ငွေသားစစ်စစ် မသုံးတာကလွဲရင် ကျန်တာအကုန်နီးပါးတူတယ်။
 ကိုလိုနီ ခေတ်ဦးကတည်းက ပျောက်ပျက်သွားခဲ့တယ်ဆိုတဲ့ ရတနာပုံ ဒင်္ဂါး ပုံစံခွက်တွေ ဘယ်ဆီထိ ခရီးဆက်တယ်ဆိုတာ မပြောနိုင်သော်လည်း အရေတွက် ၃၆ သန်းကျော် ထုတ်ခဲ့တဲ့ ဒင်္ဂါးအစစ်တွေရော ၊ ခုခေတ်လုပ် ဒင်္ဂါး အတုတွေပါ ကမ္ဘာအနှံ့ခရီးဆက်နေကြလေရဲ့။ ကျွန်တော်တို့ မြန်မာတွေ ရတနာပုံ ဒင်္ဂါး ဘယ်လောက်များများ အမြတ်တနိုး ၊ အမှတ်တရ သိမ်းထားလဲ မသိ။
Posted by ရှေးမြန်မာ at 12/26/2009 3 comments Links to this post
Labels: ရှေးပစ္စည်း ကြည့်မယ်
12/24/09
 ပစပ်ရာဇဝင်
မှော်ဘီ ဆရာသိန်းရဲ့ " ပါးစပ်ရာဇဝင် " ပါ အကြောင်းရာ တချို့ကို ဒေါက်တာ သန်းထွန်း ၊ ဒေါက်တာ ရီရီ နှင့် မကြန် တို့ရဲ့ စာတမ်းငယ်တွေ မှာ မကြာခဏဖော်ပြတာ ဖတ်ဖူးပါလိမ့်မယ်။
 သမိုင်း ပညာရှင် " မကြန် " က ပါးစပ်ရာဇဝင်ကို " ဖတ်လို့ ကောင်းသည်။ ပါးစပ်ရာဇဝင် ဆိုတော့လည်း မှန်သင့်သလောက် မှန်ပြီး မသေချာတာတွေလည် ပါမှာပေါ့လေ " ဆိုပြီး မှတ်ချက်ပေးတယ် ။
 မှော်ဘီ ဆရာသိန်းရဲ့ " ပါးစပ်ရာဇဝင် " မှာ ပါတဲ့ အကြောင်းရာတွေဟာ ပေစာ ၊ ပုရပိုဒ်စာ တွေနှင့် သက်ကြီးရွယ်အို တွေရဲ့ ပြောပြချက်တွေကို အခြေခံထားတယ်လို့ ဆိုပါတယ်။ သက်ဦး ဆံပိုင် ဘုရင် နှင့် ပဒေသရာဇ် စနစ်အောက်က အုပ်ချုပ်ခံ ပြည်သူ ၊ မင်းခစား အမတ်တွေ ရဲ့ ခံစားချက် " သရော်စာ " လို ဖြစ်နေ လို့ ဘိုးတော် ( ဗဒုံမင်း ) နှင့် ဘကြီးတော် တို့ တင်မကဘဲ အခြားကျန်နေသေးတဲ့ ခေတ် နှင့် ဘုရင်တွေ အတွက်ပါ ရှိသင့်ပါတယ်။
 ပေးထားတဲ့ လင့် တွေက ဒေါင်း ယူနိုင်ပါတယ်။
https://www.myanmarisp.com/history/History-eBooks/126%20PaSatYarZar...
 http://www.zshare.net/download/70319034c1750375/
 စာအုပ် ( PDF ) ဖိုင် ကို မြန်မာ့ သတင်း ဆက်သွယ်ရေး နည်းပညာအဖွဲ့ ကနေယူထားပါတယ်။
Posted by ရှေးမြန်မာ at 12/24/2009 3 comments Links to this post
Labels: သမိုင်းစကား၊ ပန်းစကား
12/15/09
ဥဒေါင်း ၊ ခွက်ဒေါင်း ၊ ကဒေါင်း
ရှေးဟောင်း ဒင်္ဂါး လေ့လာစုဆောင်းသူများသူများကို ဒါတွေ သတိထားပါလို့ ပြောချင်တယ်
 ရတနာပုံ ခေတ် ဒင်္ဂါး တွေမှာပါတဲ့ ဒေါင်းတံဆိပ် ကို ဥဒေါင်း ၊ ခွက်ဒေါင်း ၊ ကဒေါင်း စသဖြင့် အမျိုးမျိုးပြောနေကြတယ်။ မှန်တဲ့ လူ မှန်နိုင်တယ်။ ဘာပြုလို့ဆိုတော့ သုံးထားတဲ့ " ဒေါင်း " ရုပ်တွေ မတူလို့ပါ။
စုဆောင်းလို့ ရသမျှ ကို ဖော်ပြပေးလိုက်ပါတယ်။
( ပန်းခက်လို့ ပြောနေကြတဲ့ အခက်နှစ်ခက် ဟာလည်း မှန်ချင်မှ မှန်မယ် ၊ တမတ်တန် ကြေးဒင်္ဂါး မှာသုံးထားတာ အခက်နှင့်မတူဘဲ အနွယ်နှင့် ပိုတူတယ် )
Posted by ရှေးမြန်မာ at 12/15/2009 1 comments Links to this post
Labels: ရှေးပစ္စည်း ကြည့်မယ်
12/12/09
ရတနာပုံ တိုး ဒင်္ဂါး

ဒေါင်းဒင်္ဂါး ကို " ရတနာပုံဒေါင်းဒင်္ဂါး " လို့ရေးရင် ၊ တိုးဒင်္ဂါး ကိုလည်း ရတနာပုံ တိုးဒင်္ဂါး လို့ ရှေ့မှာ
" ရတနာပုံ" ထည့်ပြီး ရေးသင့်တယ်။
 ရတနာပုံ ဒေါင်းဒင်္ဂါး အကြောင်း သိပ်အသားပေးပြီးရေးတဲ့အခါ ရတနာပုံတစ်ခေတ် တည်းမှာထုတ်လုပ်တာ ဖြစ်ပါလျှက် အခြားအမှတ်တံဆိပ်ပါ ဒင်္ဂါးတွေကို မှေးမှိန်စေပါတယ်။
 မြန်မာတို့ရဲ့ အစဉ်လာ အခေါ်အရ ဒင်္ဂါးဆိုတာ " အမှတ်တံဆိပ်" သို့မဟုတ် " စာ " ပါ ရွှေ သို့မဟုတ် ငွေ အပြားဝိုင်းငယ်တွေကိုသာ ခေါ်ခြင်းဖြစ်တယ်။ ကြေး၊ သံ ၊ ခဲ စတာတွေနှင့် လုပ်ထားတာမျိုးကိုတော့ ကြေးပိုက်ဆံ ၊ သံပိုက်ဆံ ၊ ခဲပိုက်ဆံ စသဖြင့်ခေါ်ကြတယ်။ ဒင်္ဂါး လို့မခေါ်ပါ။
 မင်းတုန်းမင်း ခေတ် ရွှေ နှင့် ငွေ ဒင်္ဂါးတွေ ထုတ်လုပ်ခဲ့တယ်လို့ အများစုရေးကြတယ်။ သီပေါမင်း ခေတ်မှာ ဒေါင်းဒင်္ဂါးတွေကို ဆက်လက် ထုတ်လုပ်သုံးစွဲပါတယ်။ ၁၂၄၀ မှာ တိုးတံဆိပ် ကြေးဒင်္ဂါး ( ကြေးပိုက်ဆံ ) ထပ်ထုတ်ခဲ့ပါသေးတယ်။ ပုံကိုကြည့်ပါ။
" တိုး " သတ္တဝါ
" တိုးတံဆိပ်တော်" စာတမ်း
( တိုး ဆိုတာ မြင်း နှင့် သမင် သတ္တဝါ နှစ်ကောင်ကို ပေါင်းစပ်ထားတဲ့ လာဒ်ကောင်လို့ အယူရှိတယ်။
သီပေါမင်းရဲ့ " တိုး " ဟာ ရှမ်းတိုင်းရင်းသားတွေ ရဲ့ တိုး လို ကြည့်မကောင်းပါ ၊ ရုပ်ဆိုးလှတယ် )
 အခြား တဘက်မှာတော့
" ၁ူး သုံး ဒင်္ဂါး "
" ၈ ပုံ တပုံ "
" ၁၂၄၀ "
" အခက် ၂ ခက် " ( အချို့က ဝိုက်ပန်းခက်လို့ပြောတယ် )
" အခက် ၂ ခက် ရဲ့ကြား မှာ ပန်းပွင့် "
(ဘာပန်းပွင့် မှန်းသေချာမသိပါ၊အခက်ကို ဝိုက်ပန်းခက်လို့ ဆိုရင် ဒီအပွင့်ကို ဝိုက်ပန်းပွင့်လို့ ဆိုနိုင်မလားမသိပါ )
  ကြေးဒင်္ဂါး မှာပါတဲ့ ခုနှစ် " ၁၂၄၀ " ဟာ ထုတ်လုပ်တဲ့ ခုနှစ်ဖြစ်ပါမယ်။
သီပေါမင်းဟာ စနေသား ဖြစ်လို့ စနေနံ( တ၊ ထ ၊ ဒ ၊ ဓ ၊ န ) ဖြစ်တဲ့အတွက် တိုးတံဆိပ်ကို သုံးတယ်လို့ အချို့က ဆိုတယ်။ မှန်ချင်မှ မှန်မယ်။
 မင်းတုန်းမင်းဟာ အင်္ဂါ သားဖြစ်လို့ " ခြင်္သေ့ " တံဆိပ်ကို သုံးတယ်ဆိုရင် စနေသားဖြစ်တဲ့ သီပေါမင်းဟာ " နဂါး " သုံးဖွယ်ရာရှိတယ်။ " နဂါး " မကြိုက်လို့ " တိုး " သုံးသလားတော့မသိပါ။
ဘာအတွက် ဘာကြောင့်ရယ်လို့တော့ တပ်အပ် မပြောနိုင်သေးပါ။
Posted by ရှေးမြန်မာ at 12/12/2009 0 comments Links to this post
Labels: ၁၉ ရာစု၊ မန္တလေး။
12/5/09
ရတနာပုံ ခြင်္သေ့ ဒင်္ဂါး
မင်းတုန်းမင်း ခေတ်မှာ ဒေါင်းဒင်္ဂါး တွေကို ခပ်လုပ်သုံးစွဲခဲ့တယ်ဆိုတာ အထူးပြောစရာမလိုတော့ပါ။
ဒေါင်းတံဆိပ်အပြင် တခြား အမှတ်တံဆိပ်တွေဖြစ်တဲ့ " ခြင်္သေ့ ၊ ယုန် ၊ တိုး (လာဒ်ကောင် လို့ အယူရှိတယ် ၊ သမင် နှင့် မြင်း သတ္တဝါ ပေါင်းစပ်ထားတဲ့ အကောင် )" တွေရှိသေးတယ်ဆိုတာ မှတ်ဖို့လိုသေးတယ်။
 ရွှေ ၊ ငွေ ၊ ကြေး ၊ သံ ၊ ခဲ စတဲ့ သတ္ထုပစ္စည်းတွေ ကို အသုံးပြုတယ်။ တန်ဖိုးတွေက ( တကျပ် ၊ ငါးမူး ၊ တမတ် ၊ တမူး ၊ တပဲ )တို့ဖြစ်တယ်။ သို့သော် ဘယ်အမှတ်တံဆိပ် ကို ဘယ်သတ္ထုပစ္စည်းသုံးပြီး ဘယ်လောက် တန်ဖိုးတွေနှင့် ထုတ်တယ်ဆိုတာ သိဖို့လိုမယ်။ ရတနာပုံ ရွှေ ခြင်္သေ့ ဒင်္ဂါး အကြောင်း အကျဉ်း ဖော်ပြချင်ပါတယ်။ ပုံကို ကြည့်ပါ။
ယခင်
" ဒေါင်း" ရုပ်နေရာမှာ " ခြင်္သေ့ " ရုပ် "
ဒေါင်းတံဆိပ်တော် " နေရာမှာ "ခြင်သေ့ တံဆိပ်တော် "
" ၁၂၁၄ " ခုနှစ် နေရာမှာ " ၁၂၂၈ " ဖြစ်လာတယ်။ ဒင်္ဂါး ရဲ့ ခြားတဘက်မှာ ရတနာပုံနေပြည်တော် စာတမ်း နှင့် စုံပန်းခက် ၂ ခက် ကတော့ အပြောင်းလဲမရှိ။
 မင်းတုန်းမင်း ဟာ အင်္ဂါးသားဖြစ်လို့ ခြင်္သေ့ ရုပ်ကို သုံးတယ်။
၁၂၂၈ ကတော့ ခြင်္သေ့တံဆိပ်ပါ ရွှေဒင်္ဂါး တွေ အမှန်တကယ် စတင်ထုတ်လုပ်တဲ့ ခုနှစ်ဖြစ်မယ်။
( မှားနေရင် ပြောခဲ့ပါ။)
  " သက္ကရာဇ် ၁၂၂၇ ခု တန်ဆောင်မုန်းလပြည့်ကျော် ၉ ရက် ၊ စနေနေ့ ၊ နံနက်တချက်တီးကျော် အချိန်အခါတော် နှင့် အမြှောက်သံ (၃) ချက်ကြားပြီးလျှင် ဥဒေါင်း ရုပ်တံဆိပ်အပြင် မြန်မာ အက္ခရာနှင့် အရံတံဆိပ်တော်တဖက် ၊ စုံပန်းနွယ်ရင်းဖျားတပ်လျက် ၊ ၎င်း အတွင်း ဘဝရှင်မင်းတရားကြီး နန်းတက်တော်မူသည့် မြန်မာသက္ကရာဇ် ၁၂၁၄ ခု ၊ ၎င်း အထက် ကျပ်သုံးဒင်္ဂါး ၊ ၎င်းပန်းနွယ်အပြင် မြန်မာဘာသာရေး အရံအက္ခရာ ရတနာပုံ နေပြည်တော် တဖက်နှင့် ကျပ်သုံး ဒင်္ဂါးတော်များကို ခတ်လုပ်စေ၍ တိုင်းကြီး ပြည်ကြီး အင်္ဂါရပ်နှင့် အညီ ခရိုင် နိုင်ငံတော်အတွင်း အနှံ့အပြားသုံးစွဲကြရ၏။ ထို့နောက် ငွေ ငါးမူးစေ့ ၊ မတ်စေ့ ၊ မူးစေ့ ၊ ပဲစေ့ များနှင့် သံပိုက်ဆံ ၊ ကြေးနီပိုက်ဆံ ၊ ခဲပိုက်ဆံများကိုလည်း ခတ်လုပ်စေ၍ နိုင်ငံတော်အတွင်း သုံးစွဲ ကြရသည်။ ထို့အပြင် ရွှေဒင်္ဂါး ၊ ရွှေမတ်စေ့ ၊ ရွှေမူးစေ့ များကိုလည်း ခတ်လုပ်စေသည် " လို့ ရွှေနန်းသုံး ဝေါဟာရ အဘိဓာန် မှာ ဖော်ပြထားတယ်။ ( ရွှေနန်းသုံး ဝေါဟာရ အဘိဓာန် ကို ဘယ်သူရေးတယ်၊ ဘယ်နှစ်ခုနှစ် ၊ ဘယ်လို ရေးတယ်၊ ဘယ်လောက်ထိ စိတ်ချရလဲဆိုတာ သိဖို့ လိုအပ်သေးတယ် )
Posted by ရှေးမြန်မာ at 12/05/2009 0 comments Links to this post
Labels: ၁၉ ရာစု၊ မန္တလေး။
ဒေါက်တာ သန်းထွန်း

မြန်မာ့သမိုင်း နှင့် ယဉ်ကျေးမှု အတွက် အမှန်တကယ် အလုပ်လုပ် ပြီး ကျေးဇူးပြူ ခဲ့တဲ့ ပညာရှင်
( မြန်မာနိုင်ငံသား နှင့် နိုင်ငံခြားသား )တွေရဲ့ ကိုယ်ရေး ရာဇဝင် အကျဉ်း ကို စုစည်းဖော်ပြ ချင်ပါတယ်။ နိုဝင်ဘာ ၃၀ ၂၀၀၉ မှာ ကွယ်လွန် သွားခဲ့တာ ၄ နှစ်ပြည့် သွားပြီဖြစ်တဲ့ ဒေါက်တာသန်းထွန်း ရဲ့ ကိုယ်ရေးရာဇဝင် အကျဉ်း ကို စတင်ဖော်ပြလိုပါတယ်။။.

 ဒေါက်တာ သန်းထွန်း
( ၁၉၂၃-၂၀၀၅ )

၁၉၂၃ ဧပြီ ၆ သောကြာနေ့တွင် အဖ ဦးဘိုးတွေ အမိ ဒေါ်သင်တို့မှ ဧရာဝတီတိုင်း၊ ပုသိမ်ခရိုင် ၊ ငါးသိုင်းချောင်းမြို့ ၊ ဒေါင့်ကြီးရွာ၌ ဖွားမြင်သည်။ မွေးချင်း ငါးယောက်တွင် ဒုတိယမြောက်ဖြစ်၍ အမည်ရင်း သန်းထွန်း ။

၁၉၃၈ မတ်တွင် ငါးသိုင်းချောင်း အမျိုးသားအထက်တန်းကျောင်းမှ ဟိုက်စကူးဖိုင်နယ် စာမေးပွဲ အောင်မြင်။

၁၉၃၉ ဩဂုတ်လတွင် ရန်ကုန် ယူနီဘာစီတီ၌ စတင်ပညာသင်။

၁၉၄၁ မတ်တွင် အိုင်အေ ( ဝိဇ္ဇာ အောက်တန်း ) အောင် ။

၁၉၄၂ ဂျပန်ခေတ်တွင် ဖခင်၏တိုက်တွန်းမှုဖြင့် ငါးသိုင်းချောင်းဘုရားကြီးတိုက် ဦးဉာဏိဿရထံ၌ ဇာတာဖွဲ့နည်း ၊ ပြက္ခဒိန်လုပ်နည်း ၊ နေကြတ် ၊ လကြတ် ၊အာယုဒါယတို့ သင်သည်။ သင်္ကြန်စာရေးသား၍ အစိုးရထုတ်ဝေခွင့်ရအပြီး ပုံနှိပ်ချိန်တွင် ဗုံးကျသည့်အထဲပါသွားသည်။

၁၉၄၃ ငါးသိုင်းချောင်း အာရှလူငယ် အတွင်းရေးမှူး။

၁၉၄၅ ငါးသိုင်းချောင်း ဖ - ဆ - ပ - လ ၏ ပထမဦးဆုံး ဥက္ကဋ္ဌ။

၁၉၄၆ မတ်တွင် ဝိဇ္ဇာဘွဲ့။ ဇွန် ၁ တွင် ရကုန်တက္ကသိုလ် သမိုင်းဌာန၌ အချိန်ပိုင်းနည်းပြ၊ ဝိဇ္ဇာဂုဏ်ထူးတန်း ကို ဆက်လက် တက်ရောက်။

၁၉၄၇ မတ်တွင် ဝိဇ္ဇာ (ဂုဏ်ထူး ) ဘွဲ့။ ဇွန် ၁ တွင် အချိန်ပြည့်နည်းပြ။

၁၉၄၈ အောက်တိုဘာ ၁၉ တွင် ငါးသိုင်းချောင်း၊ ကွမ်းယာရွာမှ ဦးဘိုးမြိုင် ၊ ဒေါ်မြ တို့၏ သမီး ဒေါ်ခင်ရီ နှင့် လက်ထပ်။

၁၉၅၀ မတ်တွင် သမိုင်းမဟာ ဝိဇ္ဇာ ဘွဲ့။ ဇွန် ၁၀ တွင် လက်ထောက် ကထိက။

၁၉၅၁ ဥပဒေ သင်တန်းတက်။

၁၉၅၂-၁၉၅၆ ဥပဒေဘွဲ့။ ကိုလံဘို စီမံကိန်း ဖြင့် အမေရိကန်နိုင်ငံ ကော်နဲလ် တက္ကသိုလ် ( Cornnell University ) ပညာသင်ဆုရ။ အစိုးရပညာသင် အဖြစ်လည်း အရွေးချယ်ခံရ၍ မိမိဆန္ဒဖြင့် လန်ဒန် တက္ကသိုလ်ကို ရွေးချယ်ခဲ့။ အောက်တိုဘာမှ ၁၉၅၆ ဇန်နဝါရီ အထိ လန်ဒန် တက္ကသိုလ် တွင် ပါရဂူဘွဲ့ သင်တန်းတက်။ ပါမောက္ခ လုစ် ၏ တိုက်တွင်းမှုဖြင့် " ပုဂံခေတ် သာသနာဝင် " Buddhist Church Pagan Period " စာတမ်းကို တင်သွင်း၍ Ph. D, ဘွဲ့ရ။ စာတမ်းကြီးကြပ်သူမှာ ပါမောက္ခ ဟောဖြစ်ပြီး ယင်းစာတမ်း အတွက် ဘီစီလော ဆုရ။
 ၁၉၅၆ မေ ၁ တွင် ရန်ကုန်ပြန်ရောက်။ ဇွန် ၁၁ တွင် ရန်ကုန်တက္ကသိုလ် သမိုင်းဌာန လက်ထောက်ကထိက ၊ မြန်မာနိုင်ငံ သုတေသန အသင်း ရာသက်ပန် အသင်းဝင်။ နိုဝင်ဘာ ၃ တွင် တပ်မတော် မော်ကွန်းတိုက်၌ သုတေသန အရာရှိချုပ် နှင့် အယ်ဒီတာချုပ်။
 ၁၉၅၇ ဇန်နဝါရီ ၈ တွင် ရန်ကုန်တက္ကသိုလ် သမိုင်းဌာန ၌ လက်ထောက် ကထိက။
 ၁၉၅၈ ဇွန် ၁ တွင် ရန်ကုန်တက္ကသိုလ် သမိုင်းဌာန အနောက်တိုင်း ရာဇဝင် ကထိက။
 ၁၉၆၀ နိုဝင်ဘာ ၅ တွင် အရှေ့တိုင်း သမိုင်းကထိက။
 ၁၉၅၈- ၆၁ မြန်မာနိုင်ငံ သုတေသန အသင်း ဂျာနယ် အယ်ဒီတာ။
 ၁၉၅၉-၆၁ မြန်မာ့သမိုင်း ကော်မရှင်က ထုတ်ဝေသော သမိုင်းတံခွန် ဂျာနယ်တွင် တွဲဖက် အယ်ဒီတာ။
 ၁၉၆၅-၈၂ အောက်တိုဘာ ၁ တွင် မန္တလေးတက္ကသိုလ် သမိုင်းဌာနှ ပါမောက္ခ။
 ၁၉၈၂ စက်တင်ဘာ ၁၇ တွင် ဂျပန်နိုင်ငံ ကျိုတို တက္ကသိုလ်၊ အရှေ့ တောင် အာရှ ဌာနတွင် သုတေသန ပညာရှင်အဖြစ် အမှုထမ်။
 ၁၉၈၃ ဧပြီ ၆ တွင် သက်ပြည့် အငြိမ်းစားယူ။ အောက်တိုဘာ ၁ တွင် တိုကျို နိုင်ငံခြားဘာသာတက္ကသိုလ် အာရှနှင့် အာဖရိက ဘာသာစကားနှင့် ယဉ်ကျေးမှုလေ့လာရေးဌာနတွင် သုတေသန ပညာရှင်။ အင်ဒို တရုတ် ဌာန မြန်မာဘာသာစကား ဧည့်ပါမောက္ခ။
 ၁၉၈၇ ဇန်နဝါရီ ၁ တွင် အမေရိကန် နိုင်ငံ မြောက်ပိုင်း အီလီနွိုက် တက္ကသိုလ် သမိုင်းဌာန ဧည့်ပါမောက္ခ။
 ၁၉၈၈ ဇန်နဝါရီ ၁ တွင် မြန်မာနိုင်ငံ သမိုင်းလေ့လာရေးအတွက် ပြူစုခဲ့သော မြန်မာနိုင်ငံ အမိန့်တော်များ၊ အေဒီ ၁၅၉၈- ၁၈၈၅ The Royal Orders of Burma A.D 1598- 1885 ( ROB 10 Vols.) အတွက် လန်ဒန် တက္ကသိုလ် က D. Lit., ဘွဲ့ ချီးမြှင့်။ မြန်မာနိုင်ငံ အမိန့်တော်များ ၁၀ တွဲကို ၁၉၈၃- ၉၀ ပြည့်နှစ် အတွင်း ဂျပန်နိုင်ငံ တိုယိုတာဖောင်ဒေးရှင်း မှ တာဝန်ယူ ပုံနှိပ် ထုတ်ဝေ။
 ၁၉၉၀ ဧပြီ ၁၂ တွင် ရန်ကုန် ပြန်ရောက်။
 ၁၉၉၁ ဖေဖော်ဝါရီ ၁၃ တွင် မြန်မာစာအဖွဲ့ဝင် အဖြစ် ခန့်အပ်ခံရ၍ မြန်မာ - အင်္ဂလိပ် အဘိဓာန် ပြုစုရေးတွင်း ပါဝင်ဆောင်ရွက်။ စက်တင်ဘာ ၂၆ တွင် မြန်မာသမိုင်း ကော်မရှင် အဖွဲ့ဝင်။
 ၁၉၉၂ ဒီဇင်ဘာ ၁၄ တွင် ရန်ကုန်တက္ကသိုလ် ရှေးဟောင်း သုတေသနဌာန ဖွင့်လှစ်ရေးအတွက် တာဝန်ပေးအပ်ခံရ။
 ၁၉၉၃ ဇွန် ၁ တွင် ရန်ကုန်တက္ကသိုလ် ရှေးဟောင်း သုတေသနဌာန အချိန်ပိုင်း ပါမောက္ခ ။
 ၁၉၉၆ ဇွန် ၁ တွင် ရန်ကုန်တက္ကသိုလ် သမိုင်းဌာန အချိန်ပိုင်း ပါမောက္ခ ။
 ၂၀၀၀ ဂျပန် ဖုကုအိုက ပညာရှင်ဆုရ။
 ၂၀၀၁ ဇွန် ၁ တွင် ရန်ကုန်တက္ကသိုလ် အရှေ့တိုင်းပညာဌာန အချိန်ပိုင်း ပါမောက္ခ ။ ခေတ်ဟောင်း မြန်မာ ရာဇဝင် ( ၁၉၆၄ )၊ နယ်လှည့် ရာဇဝင် (၁၉၆၈ ) နှင့် ငါပြောချင်သမျှ ငါ့အကြောင်း ( ၂၀၀၁ ) အပါအဝင် စာအုပ်ပေါင်း ( ၃၀ ) ကျော် ပြုစုခဲ့။
 ၂၀၀၅ နိုဝင်ဘာလ ၃၀ ရက် ဗုဒ္ဓဟူး နေ့ နံနက် ၃း၃၀ တွင် မန္ထလေး မြို့ ၌ ကွယ်လွန်ခဲ့။
 ( အစောဆုံး အက္ခရာတင် တိုင်းရင်းမြန်မာမှတ်တမ်းများ ၊ ဒေါက်တာ သန်းထွန်း ၊ စာအုပ်မှ ကူးယူဖော်ပြသည်။ )
 ဒိထက် ပိုသိချင်ရင်တော့ ဒေါက်တာသန်းထွန်း ကိုယ်တိုင်ရေး အတ္ထုပ္ပတ္တိ ဖြစ်တဲ့ " ငါပြောချင်သမျှ ငါ့အကြောင်း " စာအုပ်ဖတ်ပါ။
Posted by ရှေးမြန်မာ at 12/05/2009 2 comments Links to this post
Labels: သမိုင်းစကား၊ ပန်းစကား
12/1/09

" သက္ကရာဇ် ၁၂၂၇ ခု တန်ဆောင်မုန်းလပြည့်ကျော် ၉ ရက် ၊ စနေနေ့ ၊ နံနက်တချက်တီးကျော် အချိန်အခါတော် နှင့် အမြှောက်သံ (၃) ချက်ကြားပြီးလျှင် ဥဒေါင်း ရုပ်တံဆိပ်အပြင် မြန်မာ အက္ခရာနှင့် အရံတံဆိပ်တော်တဖက် ၊ စုံပန်းနွယ်ရင်းဖျားတပ်လျက် ၊ ၎င်း အတွင်း ဘဝရှင်မင်းတရားကြီး နန်းတက်တော်မူသည့် မြန်မာသက္ကရာဇ် ၁၂၁၄ ခု ၊ ၎င်း အထက် ကျပ်သုံးဒင်္ဂါး ၊ ၎င်းပန်းနွယ်အပြင် မြန်မာဘာသာရေး အရံအက္ခရာ ရတနာပုံ နေပြည်တော် တဖက်နှင့် ကျပ်သုံး ဒင်္ဂါးတော်များကို ခတ်လုပ်စေ၍ တိုင်းကြီး ပြည်ကြီး အင်္ဂါရပ်နှင့် အညီ ခရိုင် နိုင်ငံတော်အတွင်း အနှံ့အပြားသုံးစွဲကြရ၏။ "
( ရွှေနန်းသုံး ဝေါဟာရ အဘိဓာန် )
 ဒင်္ဂါး မှာ ပါတဲ့ အမှတ်တံဆိပ်တွေကို လေ့လာတဲ့အခါ
 ၁။ ၁၂၁၄ ခုနှစ် ဟာ မင်းတုန်းမင်း နန်တက်တဲ့ ခုနှစ်ကို ရည်ရွယ်တယ်။
 ၂။ သစ်ခက် ၂ ခက် ဟာ စုံပန်းခက် ဖြစ်တယ်။ ( တချို့ က စုံပန်းခွေ လို့ပြောတယ်၊ သေခြာကြည့်ရင် ခွေထားတာ မဟုတ်မှန်းသိသာတယ် )
ရွှေနန်းသုံး ဝေါဟာရ အဘိဓာန် အရ စုံပန်းနွယ် လို့ပါတယ်။ ဘာကြောင့်/ဘာအတွက် သုံးလဲ မသိသေးပါ။
 ၃။ ဒေါင်း ( ဒေါင်း ကနေဟန် လို့အချို့ကဆိုတယ်၊ အချို့က ဥဒေါင်းလို့ ရေးတယ် )
 ဘာကြောင့် ဒေါင်းရုပ်ကို ခပ်လုပ် အသုံးပြုစေသလဲဆိုတာ စိတ်ဝင်စားစရာဖြစ်တယ်။ လောလောဆယ် အဖြေတွေကလည်း အမျိုးမျိုး ရထားတယ်။ ဘယ်ဟာ အမှန်ယူရမှန်း မသိသေးပါ။
 မင်းတုန်းမင်းဟာ မြန်မာမင်းတွေရဲ့ ရိုးရာအစဉ်လာတိုင်း လောကီပညာ တွေကို အားကိုးတယ်။ ဗေဒင် ပုဏ္ဏားတွေကို ဗေဒင်မေးရာမှာ ဒေါင်းရုပ် သုံးဖို့ အဖြေရတယ်။ ပညာရှိ အမတ်တွေရဲ့ လျှောက်တင်ချက်အရ နေမင်းရဲ့ ကိုယ်စားအမှတ်အသားဖြစ်လို့ ဒေါင်းရုပ် ကို သုံးတယ်လို့ လဲဆိုရဲ့။ သာကီဝင်မင်း တွေရဲ့ အမှတ် လက္ခဏာ လို့လဲဆိုပြန်တယ်။ အနောက်တိုင်း ပညာရှင်တို့ရဲ့ အဆိုကတော့ " ဒေါင်း " ရုပ်ဟာ ကုန်းဘောင်မင်းဆက်ကို ကိုယ်စားပြုတယ်လို့ ဆိုထားပြန်ပါသေးတယ်။

မိန်းကလေးအတွက် ဘဝဒဿန

မိန်းကလေးအတွက် ဘဝဒဿန

  လူဗိုလ်

(၁) သင့်မှာ အဝတ်အစားတွေ အများကြီးရှိဖို့ မလိုပါဘူး။ ခေတ်နဲ့မလိုက်ဖက်တော့တဲ့ ဇာပန်းထည်တွေကို ခေါက်သိမ်းလိုက်ပါ။ သင့်အသက်အရွယ်နဲ့ မလိုက်ဖက်တော့တဲ့ အနားပန်းဖွားအင်္ကျီတွေကို ခေါက်သိမ်းလိုက်ပါ။ ဒီကနေ့ကစ ဘီရိုထဲမှာရှိတဲ့ အင်္ကျီတစ်ထည်တိုင်းဟာ သင်နဲ့လိုက်ဖက်တဲ့အရောင်၊ သင်နဲ့သင့်တော်တဲ့ စတိုင်လ်တွေဖြစ်နေပါစေ။

(၂) အားကစားရုံသွားဖို့ အပိုဝင်ငွေမရှိဘူးဆိုရင် လှေကားထစ်တွေကို သင်နေ့တိုင်းတက်နိုင်၊ ဆင်းနိုင်ပါတယ်။ Lancôme၊ Clinique၊ Estée Lauder တွေကို သင်မသုံးနိုင်ဘူးဆိုရင် အရက်၊ ဆေးလိပ်မသောက်၊ အိပ်ချိန်မှန်၊ စားချိန်မှန်ရင်လည်း သင့်အသားအရည်ကို စိုပြေဝင်းပစေပါတယ်။ SPAတွေလုပ်ဖို့ ငွေကြေးမတတ်နိုင်ဘူးဆိုရင် green tea၊ နွားနို့၊ ရေတွေကို အမြဲသောက်ဖို့ မမေ့ပါနဲ့။ ဒါတွေဟာလည်း အကျိုးရှိတဲ့အရာတွေဖြစ်တယ်။

(၃) အချစ်ကို သင်ယုံကြည်လို့ရတယ်။ ယောက်ျားလေးတွေရဲ့ ချိုချိုသာသာစကားတွေကို သင်နားထောင်လို့ရတယ်။ ဒါပေမဲ့ တစ်ဖက်နားက နားထောင်ရင် ကျန်တစ်ဖက်နားက ထွက်သွားပါစေ။ ပျားရည်လိုချိုတဲ့ အဆိပ်တွေကို ရင်ထဲ သိမ်းဆည်းမထားပါနဲ့။ တော်ထက်တဲ့ယောက်ျားတွေကို သင်တန်ဖိုးထားနိုင်တယ်။ တကယ်လို့ အိမ်ထောင်သည်ဆိုတဲ့ တံဆိပ်ကပ်ထားသူဆိုရင် သင်တတ်နိုင်၊ လက်ခံနိုင်တဲ့သူမဟုတ်ကြောင်း မမေ့ပါနဲ့။ ဒီလိုလူမျိုးနဲ့ကြုံခဲ့ရင် ဘာအတွယ်အတာမှမချန်ဘဲ ဝေးဝေးခွာပါ။

(၄) ကိုယ့်ရဲ့အပြင်ပန်းအလှကို တန်ဖိုးထားပါ။ ထိုနည်းတူ အတွင်းစိတ်ကိုလည်း မပြတ်ဖြည့်ဆည်းပါ။ စာများများဖတ်ပါ၊ များများသင်ယူပါ။ လူမှုရေး၊ ယဉ်ကျေးမှု၊ နိုင်ငံရေး၊ ဖက်ရှင်၊ မိသားစု..... ဘုရားသခင်က သင့်ကို လှပတဲ့မျက်နှာမပေးခဲ့ရင် အသိဉာဏ်ပြည့်တဲ့ စိတ်နှလုံးတစ်စုံရှိဖို့ကို သင်ကိုယ်တိုင် တာဝန်ယူပါ။ ပန်းအိုးတွေက ကွဲလွယ်တယ်၊ ရုပ်ရည်က အိုလွယ်တယ်။ အသိဉာဏ်က နှစ်လကြာလေ တိုးပွားလေ၊ ခိုင်မြဲလေဖြစ်တယ်။

(၅) လက်ဆောင်ပစ္စည်းရတဲ့ အံ့သြဝမ်းသာခြင်းမျိုးကို သင်ခံစားနိုင်ပါတယ်။ ဒါပေမဲ့ အလကားစားရတဲ့ ညစာဆိုတာ မရှိဘူးဆိုတာကိုတော့ မမေ့ပါနဲ့။ ယောက်ျားတစ်ယောက်ကပေးတဲ့ အဖိုးတန်ဈေးကြီးလွန်းတဲ့ လက်ဆောင်ပစ္စည်းကို ဘယ်လိုဂုဏ်ပုဒ်မျိုးနဲ့ သင်လက်ခံယူမလဲ! ဇနီးမယား? ချစ်သူရည်းစား? တကယ်လို့ ဇနီးမယားလည်းမဟုတ်၊ ချစ်သူရည်းစားလည်း မဟုတ်ဘူးဆိုခဲ့ရင် ဒီလက်ဆောင်အတွက် ဘယ်လိုပေးဆပ်ခြင်းမျိုးကို သင်ပေးဆပ်ရလိမ့်မလဲဆိုတာကို သေသေချာချာ စဉ်းစားပါ။ ကိုယ်ကြိုက်နှစ်သက်တဲ့အရာကို ကိုယ်တိုင်ဝယ်ယူနိုင်ဖို့ ကြိုးစားပါ။ ယောက်ျားတွေပေးမယ့် လက်ဆောင်ကိုပဲ မျှော်ကိုးမနေပါနဲ့။

(၆) ရိုးသားလို့ရတယ်၊ ဒါပေမဲ့ ရိုးစင်းနုံအလို့ မရဘူး။
ရိုးရှင်းလို့ရတယ်၊ ဒါပေမဲ့ အလွယ်လိုက်လို့မရဘူး။
အိမ်အလုပ်၊ အိမ်ပစ္စည်းတွေကို သင်နားမလည်လို့ရတယ်၊ ဒါပေမဲ့ အနည်းဆုံးတော့ အိမ်သုံးလျှပ်စစ်ပစ္စည်းတွေရဲ့ အညွန်းစာအုပ်ကို သင်ဖတ်နိုင်ရမယ်။ ကိုယ့်အပေါ် ကူညီခဲ့သူတွေအတွက် ကျေးဇူးတရားကို ရင်ထဲအမြဲထည့်ထားပါ။ ကိုယ့်အပေါ် ကဲ့ရဲ့လှောင်ပြောင်သူတွေအတွက် ပုံမန်၊ သာမန်စိတ်ကိုမွေးပါ။

(၇) ငွေကြေးတွေကို အမြော်အမြင်ရှိရှိ သုံးပါ။
ကိုယ့်အတွက် ကောင်းမွန်တဲ့အတွင်းခံ၊ ဖိနပ်တွေဝယ်ဖို့ မနှမြောပါနဲ့။
အပြင်ပန်းလှပအောင် ဝတ်ဆင်တယ်ဆိုတာ သူတစ်ပါးကြည့်ဖို့အတွက်ပါ။ ဒါဟာ ဝင့်ဝါခြင်းကို ဝတ်ဆင်တာဖြစ်တယ်။ သင့်တော်ကောင်းမွန်တဲ့ အတွင်းဝတ်တွေက ကိုယ်တိုင်အတွက်ပါ။ ဒါဟာ သက်တောင့်သက်သာရှိခြင်းကို ဝတ်ဆင်တာဖြစ်တယ်။

(၈) လိုက်လျောညီထွေတဲ့စကားကို ပြောဆိုတတ်ရမယ်။ ကလေးကလားနိုင်တဲ့၊ ကပ်ချွဲနှပ်ချွဲစကားတွေက သင့်မှာရှိသင့်တဲ့ အမှတ်တံဆိပ်တွေ မဟုတ်ဘူး။
သင့်မှာ ဗဟုသုတမရှိလို့ရတယ်၊ ဒါပေမဲ့ အဆင့်အတန်းမရှိလို့ မရဘူး။
အမြင်မတူ၊ အသွင်ကွဲလို့ရတယ်။ ဒါပေမဲ့ လေးစားရိုသေမှုတော့ ရှိရတယ်။
ဖြစ်ခဲ့၊ ပျက်ခဲ့တဲ့အကြောင်းကိုပဲ ထပ်တလဲလဲ နာနာကျင်ကျင် မရွတ်ဆိုပါနဲ့။
ဒေါသထွက်နေတုန်း စကားတစ်ခွန်းပြောဖို့ ၁ကနေ ၂ဝအထိ ရေတွက်ပြီးမှ ပြောပါ။

(၉) သင်ဟာ တကိုယ်တည်းသမားပဲဖြစ်ဖြစ်၊ အိမ်ထောင်သည်ပဲဖြစ်ဖြစ် ဒါတွေက အရေးမကြီးပါဘူး။ အရေးကြီးတာက တစ်ပါးသူကို မှီတွယ်မယ်ဆိုတဲ့စိတ် မရှိဖို့ပဲလိုတယ်။ အရာရာတိုင်း သူတစ်ပါးကို အားကိုးနေလို့မဖြစ်ပါဘူး။ သိန်းသောင်းချီတဲ့ လခရနေတာက အကောင်းဆုံးပေါ့။ ထောင်ဂဏန်းလခဆိုလည်း မဆိုးပါဘူး။ အနည်းဆုံးတော့ ကိုယ့်ကိုယ်ကိုရှင်သန်အောင် ရပ်တည်နိုင်တဲ့အစွမ်း သင့်မှာရှိသေးတယ်။ ဒါဟာ သင့်ရဲ့ဂုဏ်ယူစရာဖြစ်တယ်။

(၁ဝ) ဘဝကပေးတဲ့ အရာတိုင်းကို တန်းဖိုးထားမြတ်နိုးပါ၊ သင်ယူပါ။
အချစ်ခံရ၊ အနှစ်သက်ခံရတယ်ဆိုတာ ပျော်ရွှင်တဲ့ဥစ္စာပစ္စည်းဖြစ်တယ်။
သူတစ်ပါးကိုချစ်တယ်၊ နှစ်သက်တယ်ဆိုတာ ပျော်ရွှင်တဲ့ပေးဆပ်ခြင်းဖြစ်တယ်။
တကယ်လို့ သင့်ကို သူခွဲသွားမယ်ဆိုရင် ပြုံးပြုံးရွှင်ရွှင်နဲ့ တောင်းဆုတွေပေးပါ။
အထီးကျန်တာကို ဂုဏ်ရှိရှိခံယူတာက နာနာကျင်ကျင်ချစ်နေရတာထက်စာရင် ကောင်းပါတယ်။
ကိုယ့်ကိုယ်ကို ကောင်းကောင်းဆက်ဆံပါ။ သူ့တစ်ပါးကို ခွင့်လွှတ်နားလည်တတ်ပါစေ။
ကိုယ့်ကိုယ်ကို ယုံကြည်တဲ့စိတ်၊ ခွင့်လွှတ်နားလည်တဲ့စိတ်၊ တာဝန်သိတတ်စိတ် .. စတဲ့စိတ်တွေ တစ်ခုမှ သင့်မှာ လျော့နေလို့ မဖြစ်ဘူးဆိုတာကို နားလည်ထားပါ။

" ပညာ "

" ပညာ "

  လူဗိုလ်

‎" ပညာရေးဟာ တိုင်းပြည်အတွက် အကောင်းဆုံး ရင်းနှီးမြုပ်နှံမှုဆိုတဲ့
သဘော။ ပညာဆိုတာမှာ အသိတွေ၊ အတတ်တွေ၊ ကျွမ်းကျင်မှုတွေအပြင်
စိတ်ထားသဘောထားတွေ၊ စာရိတ္တသဘောတွေ၊ ဗြဟ္မစိုရ်တရားတွေပါတယ်

Wall Photos

‎ - တက္ကသိုလ်ဘုန်းနိုင်
-----------------------------------
" ပညာဆိုတာ လူရဲ့အရည်အသွေး၊လူရဲ့စွမ်းအင်တစ်ခုလို့
ယူဆလို့ရတယ်။ ပညာရှိတဲ့လူဟာ ပညာဆိုတဲ့ စွမ်းအင်ရှိတာပဲ။
အရည်အသွေးကိုပြောရရင် မျက်စိ၊ နား၊ လက်နဲ့သွားပြီး ကိုင်ထိ
လို့မရဘူး။ ဥာဏ်နဲ့သာသိနိုင်တယ်။ "

- လူရဲ့စွမ်းအင်ဆိုတာ ဥာဏ်သဘော။ ပညာက လူကို
အကျိုးပြုတဲ့စွမ်းအင် ရှိတယ်။ ဘယ်လိုအကျိုးပြုတဲ့ စွမ်းအင်
လည်းဆိုရင် ယေဘူယျအားဖြင့် ဖြစ်ချင်တာတွေကို ဖြစ်အောင်၊
မဖြစ်ချင်တာတွေကို မဖြစ်အောင် ပညာကလူကို လုပ်ပေးနိုင်တယ်။
ဒါက အလွန်မြင့်တဲ့ အနက်အဓိပ္ပာယ်။

ပညာရဲ့အဆင့်အတန်းများ
-----------------------------
- Information

- သိခြင်းကို ပြောတာ။ သိခြင်းဆိုတာက ဘယ်လိုသိခြင်းလဲ။
ဘယ်လိုနည်းနဲ့သိထားတာလဲ။ ကြည့်ပြီး သိတာ ရှိတယ်။ ကြားပြီး
သိတာ ရှိတယ်။ သူများပြောတာက တစ်ဆင့် သိတာ ရှိတယ်။ သို့သော်
Information ဆိုတဲ့ သိခြင်းသည် အာမခံချက် သိပ်မရှိဘူး။ သူ့မှာ
မလွဲမသွေမှန်ကန်မှု ရှိချင်မှ ရှိမယ်။
- သိတော့သိလိုက်တာပဲ။ အဟုတ်သိတာ ဟုတ်ချင်မှ ဟုတ်မယ်။
မဟုတ်တာတွေကိုလည်း ဟုတ်တာတွေအဖြစ် သိချင်သိနေမယ်။ ဒါမှ
မဟုတ် တစ်ဝက်တစ်ပျက် အမှန်ကိုလည်း အပြည့်အစုံအမှန်လို့ သိချင်
သိနေမယ်။
- Information ဆိုတဲ့ အသိပေးခြင်း၊ သိခြင်း။ လူတွေကို အမှန်
လို့ ယုံသွားအောင်လုပ်ခြင်းအားဖြင့် ဥာဏ်ကြီးတဲ့သူတွေက ဥာဏ်နည်း
တဲ့သူတွေကို ကစားလို့ရတယ်။ သူက အကောင်းလည်းရှိတယ်။ အဆိုး
လည်းရှိတယ်။ အမှန်လည်း ဖြစ်နိုင်တယ်။ အမှားလည်း ဖြစ်နိုင်တယ်။
အာမခံချက်မရှိဘူး။

- Learning

- လေ့လာသဖြင့် ရရှိသော သိနားလည်မှု၊ များသောအားဖြင့်
တော့ Philosophy တို့၊ ဘာသာစကားတို့ စတဲ့ နယ်ပယ်တွေက
သိနားလည်မှု၊ လေ့လာမှု၊ Learning လို့ခေါ်တာ။

- Knowledge

- အမှန်တရားဘက်ကို နည်းနည်းကပ်တယ်။ အဲဒီလို သိခြင်းမျိုးကို
ခေါ်တယ်။ ရှုကြည့်ခြင်း၊ လေ့လာခြင်း စတာတွေပေါ်မှာရရှိတဲ့ အချက်
အလက် အစုအဝေးကို Knowledgeလို့ခေါ်တယ်။ တစ်ခုတည်းမဟုတ်ဘူး။
အဲဒီ အစုအဝေးမှာတင် ရပ်မနေဘဲ အဲဒီလို စုဆောင်းရရှိတဲ့ အချက်အလက်
တွေပေါ်မှာ တည်ပြီးတော့ စဉ်းစားပြီး ကောက်ချက်ယူတဲ့ သဘောတွေကို
Knowledge လို့ခေါ်တယ်။
- သိရုံသိပြီး သဘောပေါက်ရုံတင်မကဘဲ နားလည်တာမျိုး၊ သိတိုင်း
နားမလည်ဘူး၊ နားလည်တဲ့အဆင့်ရောက်တဲ့ အသိမျိုးကိုမှ Knowledge
လို့ခေါ်တာ။
- Knowledge နဲ့ Learning နဲ့က မတူဘူး။ ဆင်တာ။ ဒါပေမဲ့ Know
-ledge က ပိုကျယ်ဝန်းတယ်။ ပိုလည်း တိကျချင်တယ်။

- Intuition

- လူတကာ သိပ်အသုံးနည်းတယ်။ သူလည်း သိတာပဲ။ ဒါပေမဲ့
ဘယ်လို အသိမျိုးကို ခေါ်တာလဲဆိုတော့ နက်နဲလေးနက်ပြီး အများ
တကာ လူတကာ မသိနိုင်၊ ဥာဏ်မမီနိုင်တဲ့ ပညာမျိုးကိုခေါ်တာ။
ပါဠိစကားကျတော့ ရှိတယ်။ ဥာဏ၀ိဿယတဲ့။ သူက ခက်ခဲလေးနက်
တယ်။ အလွယ်တကူမသိနိုင်တဲ့ သဘောတွေ အဲဒါတွေ ရှိတယ်။
- ဥပမာဆိုပါတော့။ ခုခေတ်မှာ ပြောကြတာရှိတယ်။ လူတိုင်းတော့
Relativity ကို ကြားဖူးနေကြတာ။ ပြောနေကြတာ။ တကယ်နားလည်
လို့လားလို့ မေးတော့ မသိဘူး။ ဒါက အိုင်းစတိုင်းလို ပုဂ္ဂိုလ်မျိုးမှ
သိနိုင်တယ်။ လူတကာ အကုန်မလိုက်နိုင်ဘူး။ ဒီသဘောတွေ ရှိနေ
တယ်။

- Wisdom

- အကုန်လုံးနဲ့သက်ဆိုင်တဲ့ အကျယ်အ၀န်းဆုံးစကားက Wisdom။
Wisdom ကို ပညာလို့ ခေါ်ရတာက ပါဠိစကား။ သူကတော့ သာမန်
သိမှုလေး မဟုတ်ဘူး။ သာမန်သိမှု အစုအပုံလေး မဟုတ်ဘူး။ သူက
ကျယ်ပြန့်တဲ့ သိနားလည်မှုအပေါ်မှာ အခြေခံပြီး အဆင့်မြင့်တဲ့ ဆုံးဖြတ်
စွမ်းမှု၊ နားလည်မှုကို ခေါ်တယ်။
- တက်သိနားလည်ရုံတင်မကဘူး။ တက်သိနားလည်မှုအပေါ်မှာ
အခြေခံပြီး လူသည် ဆုံးဖြတ်စွမ်းမှု ရှိလာတယ်။ ပြီးတော့ ရေရေလည်လည်
ပယ်ပယ်နယ်နယ် ထောင့်စေ့စေ့က နားလည်လာတယ်။ ဒါမျိုးမှ Wisdom
ခေါ်တယ်။
Wisdom - Implies superior judgement and understanding
based on broad knowledge .
Wisdom သည် သာမန်သိရုံမဟုတ်။ လူတွေ လုပ်ကိုင် ပြောဆိုတွေးတော
ကြံဆတဲ့ နေရာတွေမှာ ရှေ့ဆောင်ရှေ့ရွက်ပြုနိုင်တဲ့ သဘောမျိုး၊ ထိန်းသိမ်း
နိုင်တဲ့ သဘောမျိုး။
ပါဠိလိုတော့ ပညာပုဗ္ဗင်္ဂမ ဆိုတဲ့ စကားရှိတယ်။ အရိယာသံဃာ အရှင်
သူမြတ်တွေရဲ့စိတ်မှာ ပညာသည် ရှေ့ကအမြဲသွားတယ် လို့ ဘုရားသခင်
ကိုယ်တော်မြတ်ကြီးက ဟောတယ်။ လူသာမန်တွေက မကြာခဏ ပညာ
ရှေ့မဆောင်ဘဲ ပညာမှတစ်ပါး အခြားသောအရာတွေက ရှေ့ဆောင်တဲ့
အတွက် လောကကြီးမှာ ၀မ်းနည်းစရာတွေ၊ ကြေကွဲစရာတွေ အများကြီး
ဖြစ်လာတယ်။
ပညာဆိုတာ သိရုံတင်မကတော့ဘူး။ လူရဲ့ ကာယကံ၊ ၀စီကံ၊
မနောကံတွေကို ထိန်းသိမ်းကြပ်မက်ပြီး ရှေ့ဆောင်ပြုပြင်ပေးတဲ့သဘော
ရှိတယ်။ ကောင်းသောအဓိပ္ပာယ်တွေ အများကြီးဝင်နေတယ်။ ယေဘူယျ
ဒီသဘောမျိုး နားလည်ထားရမယ်။

" ပညာရဲ့သဘောအမှန် "

အနောက်တိုင်းကလူတွေ ပညာလို့ ပြောတိုင်းပြောတိုင်း သိပ်ဘ၀င်
မကျမိဘူး။ သိခြင်းနှင့်ကျင့်ခြင်း၊ တစ်နည်း သိစဉ်နဲ့ကျင့်စဉ်သည် တခြားစီလို့
ပြောပြောနေကြတာရှိတယ်။ ဗုဒ္ဓရဲ့ အဆုံးအမမှာတော့သိစဉ်နဲ့ကျင့်စဉ် တွဲနေ
တယ်။
ပညာအစစ်သည် သိတယ်။ သိသည့်ခဏ၌ ပယ်ရမှာကို ပယ်တယ်။
ဆိုက်ရောက်ရမည့်နေရာကို တစ်ခါတည်းရောက်သွားတယ်။ ပြီးတော့ ပွားရ
မယ့်အရာကို ပွားသွားတယ်။ ပညာတစ်ခုတည်းကနေ ကိစ္စလေးခု လုပ်တယ်။
သိ၊ ပယ်၊ ဆိုက် ၊ ပွား ထိုလေးပါးတဲ့။ အဲဒီလို ခေါ်တယ်။
သစ္စာလေးပါးကို မျက်မှောက်ပြုလိုက်တဲ့ခဏမှာ ခုနုကပြောတဲ့ သစ္စာ
လေးပါးဟာ တစ်ပြိုင်နက် ပြီးသွားတယ်။ အလွန်သိရခက်တဲ့ဟာတွေပါ။
ပညာရဲ့လေးနက်မှု၊ သူက သိရုံနဲ့ မပြီးဘူး၊ မရပ်ဘူးဆိုတာ ပြောတာ။
ဒီကိစ္စဟာ "ပညာရဲ့ကိစ္စလေးရပ်" ဆိုတာ လူတော်တော်များများက
သတိလစ်ကြတယ်။ အဲဒီအတွက်လည်း မကြခဏ သိခြင်းနဲ့ အကျင့်၊
သိမှုနဲ့စာရိတ္တ အဲဒါတွေက တခြားစီ ဖြစ်သယောင်ယောင် ရှိတယ်။
ဖြစ်သယောင်ယောင်လို့ပြောတဲ့အကြောင်းက အနောက်နိုင်ငံက
ပညာရှိတွေမှာလည်း ဗုဒ္ဓလောက် ထင်ထင်ရှာရှားမသိလို့ မပြောပေမယ့်
သိခြင်းနဲ့အကျင့် ဆယ်သွယ်နေမှန်း နားလည်ကြတယ်။

-------------------။ ..............................။--------------------------
" ပညာရေးဟာ တိုင်းပြည်အတွက် အကောင်းဆုံး ရင်းနှီးမြုပ်နှံမှုဆိုတဲ့
သဘော။ ပညာဆိုတာမှာ အသိတွေ၊ အတတ်တွေ၊ ကျွမ်းကျင်မှုတွေအပြင်
စိတ်ထားသဘောထားတွေ၊ စာရိတ္တသဘောတွေ၊ ဗြဟ္မစိုရ်တရားတွေပါတယ်
ဆိုတဲ့ ဒဿနအမြင်ပေးခြင်းသည် အကြီးမြတ်ဆုံးသော လူကျင့်ဝတ် ၊ လူ့
တာဝန်ဆိုတဲ့ ခံယူချက်။ အဲဒါတွေကတော့ ဘယ်တိုင်းပြည်အတွက်မဆို
ဘယ်ခေတ်မှာဖြစ်ဖြစ် " မဖောက်မပြန် မှန်ကန်တဲ့ သစ္စာဓမ္မ " တွေ ဖြစ်
တယ်။ "
- တက္ကသိုလ် ဘုန်းနိုင်